ۋكرايناداعى الاياقتىق: قازاقستان ازاماتتارىن الداپ كەلگەن 53 شەتەل ازاماتى ۇستالدى

30 رەت

كورسەتىلدى

1 مين

وقۋ ءۇشىن

ىشكى ىستەر مينيسترلىگى الاياقتاردى انىقتاۋ ماقساتىندا شەتەلدىك ارىپتەستەرمەن بەلسەندى قارىم-قاتىناس جاسايدى. تىكەلەي بايلانىستار مەن اقپارات الماسۋ ارنالارى قالىپتاستىرىلعان. بيىل 31 ناۋرىزدا ءىىم ۋكراينانىڭ پوليتسياسىمەن بىرلەسىپ, كەڭ كولەمدى ارنايى وپەراتسيا جۇرگىزدى. بۇل وپەراتسيا بارىسىندا ەل تۇرعىندارىن الداپ كەلگەن دنەپر قالاسىندا ورنالاسقان 3 الاياقتىق call-ورتالىقتىڭ قىزمەتى توقتاتىلدى. ارنايى وپەراتسيا ناتيجەسىندە 53 شەتەل ازاماتى ۇستالدى, ونىڭ ىشىندە 8-ءى قاماۋعا الىندى, دەپ حابارلايدى Egemen.kz.

جومارت راحىمجان

ۋكرايناداعى الاياقتىق: قازاقستان ازاماتتارىن الداپ كەلگەن 53 شەتەل ازاماتى ۇستالدى

فوتو: اشىق دەرەككوز

«جۇرگىزىلگەن جۇمىستىڭ قورىتىندىسى بويىنشا 160-تان اسا قازاقستاندىق جابىرلەنۋشى انىقتالدى, ولارعا كەلتىرىلگەن شىعىن ۋكراينا سوت شەشىمىمەن قايتارىلادى. الداعى ۋاقىتتا بىرقاتار شەت مەملەكەتتەرمەن وسىنداي بىرلەسكەن ارنايى وپەراتسيالار وتكىزۋ جوسپارلانىپ وتىر», دەدى IIM كيبەرقىلمىسقا قارسى ءىس-قيمىل دەپارتامەنتىنىڭ باستىعى ءجاندوس سۇيىنباي وكق الاڭىندا وتكەن ءباسپاسوز كونفەرەنتسياسىندا.

سونىمەن قاتار حالىقارالىق ىنتىماقتاستىقتى ارتتىرۋ ماقساتىندا كومپيۋتەرلىك قىلمىستار تۋرالى بۋداپەشت جانە كيبەرقىلمىسقا قارسى ءىس-قيمىل جونىندەگى بۇۇ كونۆەنتسيالارىن راتيفيكاتسيالاۋ بويىنشا شارالار قابىلدانىپ جاتىر.