27 تامىز كۇنى ساعات 17:50 شاماسىندا جەدەل باسقارۋ ورتالىعىنىڭ 102 پۋلتىنە «يۋبيلەينىي» باۋ-باقشا قوعامىندا اتىس قارۋىنىڭ قولدانىلۋىمەن توبەلەس بولىپ جاتقانى تۋرالى حابارلاما تۇسكەن.
پوليتسەيلەر وقيعا ورنىنان وق جاراقاتىن العان ەكى ەر ادامدى – 31 جاستاعى جانە 25 جاستاعى سارىكول اۋدانىنىڭ تۇرعىندارىن تاپتى. جابىرلەنۋشىلەر دەرەۋ اۋرۋحاناعا جەتكىزىلدى.
«ولارعا مەديتسينالىق كومەك كورسەتىلدى. دەنساۋلىق جاعدايلارى قاناعاتتانارلىق. كۇدىكتى وقيعا ورنىنان قاشىپ كەتكەن. بۇعان دەيىن دە سوتتى بولعان وبلىس ورتالىعىنىڭ 38 جاستاعى تۇرعىنى ءبىر ساعاتتان كەيىن قالانىڭ سولتۇستىك بولىگىندە ۇستالدى. قازىرگى ۋاقىتتا ۋاقىتشا ۇستاۋ يزولياتورىنا قامالدى. اتىس قارۋى تاركىلەنىپ, ساراپتاماعا جىبەرىلدى. سونداي-اق اتىس قارۋىن ساقتاۋ جانە جاساۋ فاكتىلەرى بويىنشا پروتسەسسۋالدىق شەشىم قابىلدانىپ جاتىر», دەلىنگەن پوليتسيا مالىمەتىندە.
قازىرگى ۋاقىتتا اتالعان فاكتى بويىنشا «ادام ولتىرۋگە وقتالۋ» بابىمەن سوتقا دەيىنگى تەرگەۋ باستالدى.
