قارجى مينيسترلىگى مەملەكەتتىك كىرىستەر كوميتەتى كەدەندىك باقىلاۋدى جۇرگىزۋ كەزىندە كولىككە تيەلگەن تاۋارلاردى قاراپ تەكسەرۋگە مۇمكىندىك بەرەتىن ينسپەكتسيالىق تەكسەرىپ-قاراۋ كەشەندەرىن ءساتتى قولدانىپ كەلەدى. ال ەگەر كەدەندىك دەكلاراتسيالاردا كورسەتىلگەن تاۋار تۋرالى مالىمەتتەردە الشاقتىق بولسا, ناقتىلانعان كەدەندىك جەتە تەكسەرۋ جۇرگىزىلەدى.
ماسەلەن, 23 تامىزدا «قاپلانبەك» كەدەن بەكەتىندە كوميتەتتىڭ احۋالدىق ورتالىعىنىڭ قىزمەتكەرلەرى ينسپەكتسيالىق تەكسەرىپ-قاراۋ كەشەنىنىڭ سۋرەتتەرىن تالداۋ كەزىندە مالىمدەلگەن قۇجاتتارداعى سايكەسسىزدىكتى انىقتادى. قۇجاتتاردا كورسەتىلگەن قاربىزدىڭ ورنىنا سۋرەتتە سوپاقشا پىشىندەس تاۋار كورىنگەن. كوميتەتتىڭ 2021 جىلعى 12 قاراشاداعى №722 بۇيرىعىمەن بەكىتىلگەن «مەملەكەتتىك كىرىستەر ورگاندارى لاۋازىمدى تۇلعالارىنىڭ تەكسەرىپ قاراۋ ينتروسكوپيالىق تەحنيكاسىن قولدانۋى تارتىبىنە» سايكەس احۋالدىق ورتالىعى كەدەن زاڭناماسىن بۇزۋعا كۇدىك تۋىنداعان مالىمەتتەردى كەدەندىك جەتە تەكسەرۋگە جىبەردى.
كەدەندىك جەتە تەكسەرۋدى جۇرگىزۋ كەزىندە (احۋالدىق ورتالىقتىڭ بەينە سۇيەمەلدەۋى) «قاپلانبەك» كەدەن بەكەتىنىڭ قىزمەتكەرلەرى 62 توننا دەكلاراتسيالانباعان قاۋىن تاۋارىن انىقتادى. سىرتقى ەكونوميكالىق قىزمەتكە قاتىسۋشى 12 توننا «قاۋىن» تاۋارىن جانە 66 توننا «قاربىز» تاۋارىن الىپ وتپەك بولعان.
كەدەندىك تولەمدەردى تولەۋدەن جالتارۋ ماقساتىندا يمپورتتاۋشىلار دەكلاراتسيالاردا نەعۇرلىم ارزان تاۋاردى مالىمدەيتىنىن اتاپ وتكەن ءجون. انىقتالعان بۇزۋشىلىقتار بويىنشا سىرتقى ەكونوميكالىق قىزمەتكە قاتىسۋشى قولدانىستاعى زاڭنامامەن جاۋاپكەرشىلىككە تارتىلادى.
