ۇستىمىزدەگى جىلدىڭ ماۋسىم ايىندا نيل مەگنيدى جەڭگەن سوڭ قازاقتىڭ قايسار ۇلى اقش وكىلىن ايقاسقا شاقىرعان ەدى. قازىرگى كەزدە قوس تاراپ كەلىسسوز جۇرگىزىپ جاتقان كورىنەدى. ەگەر ولار ورتاق مامىلەگە كەلسە, وندا راحمونوۆ پەن تومپسون وسى جىلدىڭ جەلتوقسان ايىندا جەكپە-جەككە شىعادى. ال شاۆقاتتىڭ ىقتيمال قارسىلاسى جايىندا ءبىز نە بىلەمىز؟ ستيۆەن 39 جاستا. ول وڭتۇستىك كارولينا شتاتىنىڭ سيمپسونۆيلل قالاسىندا دۇنيەگە كەلدى. باستاپقىدا تومپسون كيكبوكسپەن اينالىسىپ, زور تابىسقا قول جەتكىزدى. ول 57 باسەكەنىڭ بارلىعىن ءوز پايداسىنا شەشتى. 2010 جىلى ارالاس جەكپە-جەككە دەن قويدى. كوپ ۇزاماي UFC-مەن كەلسىمشارتقا وتىردى. بارلىعى 23 كەزدەسۋ وتكىزگەن امەريكالىق سپورتشى سونىڭ 16-سىندا جەڭىسكە جەتىپ, سەگىز قارسىلاسىن ەسىنەن تاندىردى. التى رەت ۇتىلىپ, تاعى ءبىر باسەكەدە تەڭ ەسەپ تىركەلدى.
بىلتىر ستيۆەن تومپسون وكتاگونعا ەكى رەت شىعىپ, گيبلەرت بەرنس پەن بەلال مۋحاممادتان ۇپاي سانىمەن ۇتىلدى. قازىرگى كەزدە ول جارتىلاي ورتا سالماقتاعىلاردىڭ رەيتينگىندە التىنشى ورىندى يەلەنۋدە.
