كەزدەسۋدە كونستيتۋتسيالىق رەفورمانىڭ نەگىزگى ەرەجەلەرى, قىلمىستىق سالانى جاڭعىرتۋ, قىلمىستىق پروتسەستە ازاماتتاردىڭ قۇقىقتارىن قورعاۋ جانە ءۇش بۋىندى مودەلدى ىسكە اسىرۋ ماسەلەلەرى تالقىلاندى.
«قۇقىق قورعاۋ جۇيەسىن جەتىلدىرۋ «پروكۋراتۋرا تۋرالى» كونستيتۋتسيالىق زاڭدى ازىرلەۋدى كوزدەيدى. پروكۋراتۋرا ورگاندارىنىڭ مارتەبەسىن كونستيتۋتسيالىق زاڭ دەڭگەيىندە بەكىتۋ زاڭدىلىقتى ارتتىرۋعا, پروكۋرورلار قىزمەتىنىڭ كەپىلدىكتەرىن نىعايتۋعا ىقپال ەتەدى. سونداي-اق پروكۋراتۋرانىڭ جوعارى قاداعالاۋ ورگانى رەتىندەگى قۇقىق قورعاۋ الەۋەتىن كۇشەيتەدى», دەدى ۆلاديمير ۆولكوۆ.
ءوز كەزەگىندە, اۋدان پروكۋرورى دەپۋتاتقا زاڭدىلىق پەن قۇقىقتىق ءتارتىپتىڭ جاي-كۇيى تۋرالى مالىمەت بەردى. سونىمەن بىرگە ول پروكۋراتۋرا اسا اۋىر ساناتتاعى قىلمىستار بويىنشا ايىپتاۋ اكتىلەرىن جاسايتىن قىلمىستىق پروتسەستىڭ ءۇش بۋىندى مودەلىنىڭ ەكىنشى كەزەڭىنىڭ ىسكە اسىرىلۋى تۋرالى ايتىپ بەردى.
«پروكۋرورلاردىڭ جۇمىسى ايتارلىقتاي وزگەردى. ولاردىڭ وكىلەتتىكتەرىن ارتتىرۋمەن قاتار جاۋاپكەرشىلىك تە كۇشەيە ءتۇستى. ازاماتتاردىڭ قىلمىستىق پروتسەسكە نەگىزسىز تارتىلۋىنا جول بەرمەۋ جانە پروتسەسكە قاتىسۋشىلاردىڭ كونستيتۋتسيالىق قۇقىقتارىن قورعاۋ ماڭىزدى», دەپ اتاپ ءوتتى سەناتور.
سونىمەن قاتار ۆلاديمير ۆولكوۆ ۇلكەن الماتى اينالما جولى قۇرىلىسىنىڭ بارىسىمەن تانىسىپ, تالعار اۋدانىنداعى 1 200 ورىندىق جاڭا مەكتەپكە باردى. تۇرعىندارمەن كەزدەسۋدە دەپۋتات قىلمىستىق پروتسەستىڭ ءۇش بۋىندى مودەلىن ىسكە اسىرۋ, سونداي-اق تسيفرلاندىرۋدى ەنگىزۋ ماسەلەلەرىن تالقىلادى.
«قوعام قۇقىق قورعاۋ جانە سوت جۇيەلەرىنەن ناقتى وزگەرىستەر كۇتۋدە. قازاقستانعا ازاماتتار مەن كاسىپكەرلەردىڭ قۇقىقتارى مەن مۇددەلەرىن بارىنشا قورعاۋدى قامتاماسىز ەتەتىن قۇقىقتىق جۇيە قاجەت», دەدى دەپۋتات.
ال پارلامەنت سەناتىنىڭ دەپۋتاتى ەرىك سۇلتانوۆ سولتۇستىك قازاقستان وبلىسىنىڭ اقجار اۋدانىنداعى بىرقاتار الەۋمەتتىك نىسانعا ارنايى باردى. دەپۋتات لەنينگراد اۋىلدىق وكرۋگىن اباتتاندىرۋ بارىسىمەن, جاڭا ديىرمەننىڭ جاي-كۇيىمەن جانە ءداۋىت-لەنينگراد اۆتوجولىنىڭ كۇردەلى جوندەۋ جۇمىستارىمەن تانىستى. ەرىك سۇلتانوۆ اۋدان تۇرعىندارىمەن كەزدەسۋدە جەرگىلىكتى حالىقتىڭ ءال-اۋقاتىن جاقسارتۋعا باعىتتالعان باسىمدىقتاردى اتاپ ءوتىپ, «كوكشەتاۋ جولدارى» جشس-نىڭ جۇمىسىنا وڭ باعا بەردى.
«ەلىمىزدىڭ بارلىق اۆتوجولىن جاڭعىرتۋ, زاماناۋي, جايلى جانە سەنىمدى كولىك ينفراقۇرىلىمىن قۇرۋ – مەملەكەت باسشىسىنىڭ قازاقستان حالقىنا جولداۋىندا قويىلعان ماڭىزدى مىندەتتەردىڭ ءبىرى», دەدى سەناتور ەرىك سۇلتانوۆ.
دەپۋتات ءۋاليحانوۆ اۋدانىنىڭ شارۋالارىمەن كەزدەسىپ, اۋىل تۇرعىندارىن تولعاندىرعان ماسەلەلەردى تالقىلاپ, استىق قويماسىنىڭ, مال شارۋاشىلىعى جانە تاۋارلى ءسۇت فەرماسىنىڭ قىزمەتىمەن تانىستى.
كەزدەسۋ بارىسىندا سەناتور جەرلەستەرىنە پالاتا قىزمەتىنىڭ قورىتىندىلارى تۋرالى ايتىپ, وتكەن سەسسيا بارىسىندا قابىلدانعان زاڭداردىڭ نەگىزگى نورمالارىنا توقتالدى.
