سپيكەردىڭ ايتۋىنشا, 25 تامىزعا دەيىن مەگاپوليس مەكتەپتەرىنە وقۋلىقتار تولىق جەتكىزىلۋى ءتيىس.
«جەرگىلىكتى بيۋدجەتتەن وقۋلىقتار مەن كوركەم ادەبيەتتى ساتىپ الۋعا 3 ملرد 263 ملن 457 مىڭ تەڭگە ءبولىندى. بيىل 2 سىنىپ وقۋشىلارى جاڭا وقۋلىقتار الادى. 1-11 سىنىپ وقۋشىلارى 25 تامىزعا دەيىن 100% تەگىن وقۋلىقتارمەن قامتاماسىز ەتىلەدى», دەدى ايدىن سايلاۋباي.
سونىمەن قاتار, ول ينتەللەكتىسى بۇزىلعان بالالار وقيتىن مەكتەپتەرگە ارنالعان وقۋلىقتار ساتىپ الىناتىنىن اتاپ ءوتتى.
«جاڭا وقۋ جىلىندا 300 ملن تەڭگە سوماسىنا كوركەم ادەبيەت كىتاپتارى جانە 37,11 ملن تەڭگەگە ينتەللەكتىسى بۇزىلعان ارنايى مەكتەپتەرگە ارنالعان وقۋلىقتار, سوقىر بالالارعا ارنالعان رەلەفتى-نۇكتەلى برايل قارپىندەگى وقۋلىقتار جانە ناشار كورەتىن بالالارعا ارنالعان ىرىلەندىرىلگەن قارىپتەرى بار وقۋلىقتار ساتىپ الىنادى», دەپ تولىقتىردى سپيكەر.
