شاعىن جانە ورتا بيزنەستى قولداۋ «بايتەرەك» حولدينگىنىڭ «دامۋ» كاسىپكەرلىكتى دامىتۋ قورى, قازىنا كاپيتال مەنەدجمەنت جانە اگرارلىق نەسيە كورپوراتسياسى سياقتى ەنشىلەس ۇيىمدارى ارقىلى جۇرگىزىلەدى.
– كورپوراتسيا نەسيە سەرىكتەستىكتەرى جۇيەسى ارقىلى قارجىلاندىرۋدىڭ ءتيىمدى تەتىكتەرىن جاساپ, قولجەتىمدى نەسيە ونىمدەرىن ۇسىنۋدا. بۇگىندە نەسيە سەرىكتەستىكتەرى قازاقستاننىڭ بارلىق وبلىسىندا بار, ولار 17 مىڭنان استام كاسىپكەرگە قىزمەت كورسەتىپ وتىر. نەسيە سەرىكتەستىكتەرى جۇيەسىنىڭ ارتىقشىلىعى كوپ. سولاردىڭ بىرقاتارى: اۋىل شارۋاشىلىعى تاۋار وندىرۋشىلەرىنە جاقىن ورنالاسۋى, نەسيەلەندىرۋدىڭ بۇگە-شۇگەسىنە دەيىن جولعا قويىلعان جۇيەسى مەن نەسيە سەرىكتەستىگى مۇشەلەرىنىڭ ءوزىنىڭ ءوڭىرىنىڭ دامۋىنا قىزىعۋشىلىعىنىڭ ارتۋى, – دەيدى «بايتەرەك» ۇلتتىق باسقارۋشى حولدينگى» اق باسقارۋشى ديرەكتورى نياز كوشكىمباەۆ.
اگرارلىق نەسيە كورپوراتسياسى بىلتىر نەسيە سەرىكتەستىكتەرىنە 109 ملرد تەڭگە ءبولىپ, 6,4 مىڭ جوبا قارجىلاندىرىلدى. ونىڭ ىشىندە «كەڭ دالا» باعدارلاماسى بويىنشا كوكتەمگى ەگىس جانە كۇزگى جيىن-تەرىن جۇمىستارىنا 26,5 ملرد تەڭگە, تەحنيكا مەن قۇرال-جابدىقتار ساتىپ الۋعا 29,6 ملرد تەڭگە, ءتورت ت ۇلىك ساتىپ الۋعا 35,7 ملرد تەڭگە جانە وزگە دە ماقساتتارعا 18,1 ملرد تەڭگە ءبولىندى.
– بيىلعى جارتىجىلدىقتا 7 مىڭنان اسا شارۋاعا 182,5 ملرد تەڭگەنىڭ نەسيەسى بەرىلدى. بۇل رەتتە قارجىلاندىرۋدىڭ 43 پايىزى نەمەسە 78,8 ملرد تەڭگەسى نەسيە سەرىكتەستىكتەرىنە تيەسىلى. بيىل نەسيە سەرىكتەستىكتەرىن قارجىلاندىرۋعا 129 ملرد تەڭگە, ال كەلەسى جىلى 140 ملرد تەڭگە ءبولۋدى جوسپارلاپ وتىرمىز, – دەيدى «اگرارلىق نەسيە كورپوراتسياسى» اق باسقارما توراعاسى المات اشىربەكوۆ.
ماڭعىستاۋ وبلىسىندا ءۇش نەسيە سەرىكتەستىگى جۇمىس ىستەيدى. سونىڭ ءبىرى 140-تان اسا مۇشەسى بار «مۇنايلى نەسيە» نس. جىل باسىنان بەرى قارجى ينستيتۋتى جالپى سوماسى 344,3 ملن تەڭگەدەن اساتىن 18 جوباعا نەسيە بەردى.
– بۇگىندە ەلىمىزدىڭ 158 اۋدانىنداعى 206 نەسيە سەرىكتەستىگى 23,5 مىڭ اۋىل شارۋاشىلىعى تاۋارىن ءوندىرۋشىسىن بىرىكتىرەدى. الايدا نەسيە سەرىكتەستىكتەرىنىڭ وڭ كورسەتكىشىنە قاراماستان, جاڭا زامان جاڭا جاعدايدى تالاپ ەتەدى. اۋىلدىق جەرلەر مەن مونوقالالاردا شاعىن جانە ميكروبيزنەستى قارجىلاندىرۋ ءۇشىن نەسيە سەرىكتەستىكتەرىنىڭ الەۋەتىن كەڭەيتۋ بويىنشا جۇمىس جۇرگىزەمىز. بۇل قوسىمشا قورلاندىرۋدى ىزدەۋدى, اپەكس قورىن قۇرۋدى, سونىمەن بىرگە نەسيە سەرىكتەستىكتەرىندەگى ۇدەرىستەردى وڭتايلاندىرادى, – دەدى اوك نس قاۋىمداستىعىنىڭ باسقارما ءتورايىمى الميرا ساعاتوۆا.
اقتاۋ
