ول ءبىرىنشى ورتا سالماقتاعى WBC Silver تيتۋلى ءۇشىن امەريكالىق ومار فيگەروامەن جۇدىرىقتاستى.
بۇل رەتتە بۇرىنعى الەم چەمپيونى ادريەن برونەر جەكپە-جەكتەن باس تارتقاننان كەيىن, سەرگەي قىسقا مەرزىمدە ايقاس وتكىزۋگە شەشىم قابىلدادى.
12 راۋندقا ەسەپتەلگەن جەكپە-جەك بەلگىلەنگەن ۋاقىتقا سوزىلمادى. ەكىنشى راۋندتا سەرگەي قارسىلاسىن نوكداۋنعا جىبەردى, ال سەگىزىنشى ءۇش مينۋتتىق كەزەڭنەن كەيىن فيگەروا بۇرىشى جەكپە-جەكتەن شىعىپ قالدى.
وسىلايشا سەرگەي ليپينەتس مەرزىمىنەن بۇرىن جەڭىسكە جەتتى (تەحنيكالىق نوكاۋت).
ليپينەتس ءۇشىن بۇل – مانسابىنداعى 17-ءشى جەڭىس. فيگەروا ءۇشىنشى رەت جەڭىلدى, ونىڭ قورجىنىندا 28 جەڭىس (19-ى نوكاۋتپەن) جانە ءبىر تەپە-تەڭ ەسەپ بار.
ايتا كەتسەك, سەرگەي ليپينەتس قازاقستاننىڭ اقتوبە وبلىسىنداعى مارتوك كەنتىنىڭ تۋماسى, بىراق بالا كەزىنەن رەسەيدە تۇرادى.
Boxrec.com سايتىندا ونىڭ پروفيلىندە بۇعان دەيىن رەسەي ازاماتتىعى كورسەتىلگەن, الايدا وسى جىلدىڭ ناۋرىز ايىندا ول قازاقستان ازاماتتىعىنا اۋىسقان.
رينگ-انونسەر جەكپە-جەك الدىندا ءليپينتستى قازاقستاننىڭ وكىلى دەپ جاريالادى.
