قوعام • 19 تامىز، 2022

كولىك پوليتسياسى ەسىرتكى تاراتۋ ارناسىنىڭ جولىن كەستى

45 رەت كورسەتىلدى

كولىك پوليتسياسى قىزمەتكەرلەرى ەسىرتكى تاراتۋ ارناسىنىڭ جولىن كەستى، دەپ حابارلايدى Egemen.kz.

جەدەل-ىزدەستىرۋ جانە تەرگەۋ ءىس-شارالارىن جۇرگىزۋ كەزىندە كولىك پوليتسەيلەرى ارنايى ماقساتتاعى جەدەل دەن قويۋ وتريادىنىڭ قىزمەتكەرلەرىمەن بىرگە ەسىرتكىنى زاڭسىز ساقتاۋ جانە وتكىزۋ بويىنشا كۇدىكتى دەپ تانىلعان شىمكەنت قالاسىنىڭ 49 جاستاعى تۇرعىنىن انىقتاپ، ۇستادى.

اتالعان ازاماتتى ءتىنتۋ بارىسىندا ودان جالپى سالماعى 7،5 كەلىگە جۋىق كەپتىرىلگەن ماريحۋانا ەسىرتكى زاتى تابىلىپ، تاركىلەندى. سونداي-اق، كۇدىكتىنىڭ تۇرعىلىقتى جەرى بويىنشا ەسىرتكى زاتى سالىنعان قاپ تاركىلەندى، ولاردىڭ ءبىر بولىگى 38 گازەت بۋماسىنا جانە 43 دانا سىرىڭكە قورابىنا سالىنعان.

كۇدىكتى ءوز كىناسىن مويىندادى، وعان قاتىستى قاماۋعا الۋ تۇرىندەگى بۇلتارتپاۋ شاراسى قابىلداندى. قر قپك-ءنىڭ 201-بابىنىڭ تالاپتارىنا سايكەس وزگە دە مالىمەتتەر تەرگەۋ مۇددەسىنە وراي جاريا ەتىلمەيدى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار