قارجى • 16 تامىز، 2022

قازاقستاندىقتار جارتى جىلدا 44،4 ترلن تەڭگەگە ونلاين تولەم جاساعان

36 رەت كورسەتىلدى

بيىلعى 6 ايدا حالىقتىڭ قولما-قول اقشاسىز وپەراتسيالارى 44،4 ترلن تەڭگەگە جەتىپ، 48%-عا ءوستى. بۇل تۋرالى قر ۇلتتىق بانكى توراعاسىنىڭ ورىنباسارى اقىلجان بايماعامبەتوۆ ايتتى، دەپ حابارلايدى Egemen.kz.

«بيىلعى 6 ايدا حالىقتىڭ قولما-قول اقشاسىز وپەراتسيالارى 44،4 ترلن تەڭگەگە دەيىن نەمەسە 48%-كە ءوستى. ونلاين تولەمدەردىڭ ۇلەسى 83%-تەن استى. تسيفرلىق قارجى ينفراقۇرىلىمىن قۇرۋ جانە تسيفرلىق قارجىلىق سەرۆيستەر ەكوجۇيەسىن ودان ءارى دامىتۋ ماقساتىندا بيىلعى شىلدەدە Open API جانە Open Banking-ءتى دامىتۋ جونىندەگى بايانداما جاريالاندى. وعان قوسا، «تسيفرلىق تەڭگە» جوباسى بويىنشا شارالار جۇرگىزىلىپ جاتىر»، دەدى اقىلجان بايماعامبەتوۆ ۇكىمەت وتىرىسىندا.

شىلدە ايىنىڭ قورىتىندىسى بويىنشا، بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى 13،7 ترلن تەڭگە بولىپ، جىل باسىنان بەرى 609 ملرد تەڭگەگە نەمەسە 4،7%-كە ۇلعايدى.

«ينۆەستيتسيالىق كىرىس كولەمى جىل باسىنان بەرى 519،5 ملرد تەڭگە بولدى. زەينەتاقى اكتيۆتەرىنىڭ كىرىستىلىگى سوڭعى 12 ايدا 8،2% كورسەتىپ، زەينەتاقى اكتيۆتەرىنىڭ جيناقتالعان كىرىسى 5 جىلدا جيناقتالعان ينفلياتسيادان 7،3 پايىزدىق تارماققا اسىپ ءتۇستى»، دەدى ول.

سوڭعى جاڭالىقتار

ۇقساس جاڭالىقتار