قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 58-ورىندا تۇرعان مىسىرلىق مايار شەريفپەن شەبەرلىك بايقاستى. ە.رىباكينا 6:3, 6:2 ەسەبىمەن جەڭىسكە جەتتى.
ءبىر ساعات 11 مينۋتقا سوزىلعان باسەكە بارىسىندا قازاقستاندىق سپورتشى 5 ەيسپەن بىرگە 8 برەيك-پوينتتىڭ تەڭ جارتىسىن پايدالانا ءبىلدى. قارسىلاسى 3 ەيس, 1 برەيكتەن اسا المادى.
ەلەنا رىباكينا ەكىنشى اينالىمدا الەمنىڭ بۇرىنعى ءبىرىنشى, قازىرگى 9-راكەتكاسى, «ۇلكەن دۋلىعا» تۋرنيرلەرىنىڭ ەكى مارتە جەڭىمپازى, يسپانيالىق گاربينە مۋگۋرۋسامەن كەزدەسەدى.
تاعى ءبىر قازاقستاندىق, رەيتينگتە 38-ورىنداعى يۋليا پۋتينتسەۆا ءبىرىنشى اينالىمدا الەمنىڭ 24-راكەتكاسى, امەريكالىق مەديسون كيزبەن وينايدى.
جۇلدە قورى 2,5 ملن اقش دوللارىنان اساتىن تسينتسينناتي جارىسى 21 تامىزدا مارەگە جەتەدى. وتكەن جىلى مۇندا بيىل تەننيسپەن قوش ايتىسقان الەمنىڭ بۇرىنعى 1-راكەتكاسى, اۋستراليالىق ەشلي بارتي ۇزدىك شىققان بولاتىن.
