«جىل باسىنان بەرى ەلىمىزدە 12 مىڭعا جۋىق ينتەرنەت-الاياقتىق تىركەلدى. قىلمىسكەرلەر 7 ملرد تەڭگەگە شىعىن كەلتىردى. 571 ينتەرنەت-الاياق ۇستالىپ, 17 ۇيىمداسقان قىلمىستىق توپ جويىلدى. ينتەرنەت-الاياقتىق فاكتىلەرى نۇر-سۇلتان, الماتى قالالارى مەن قاراعاندى وبلىسىندا كوپ بايقالدى», دەدى ءىىم وكىلى ۆەدومستۆونىڭ ءباسپاسوز قىزمەتى الاڭىندا وتكەن بريفينگىدە.
ونىڭ ايتۋىنشا, ءىىم ينتەرنەت-الاياقتىقتىڭ الدىن الۋ ءۇشىن ەسكەرتۋلەر سيپاتىنداعى SMS-تەر جىبەرۋدى باستادى.
«SMS ارقىلى الاياقتىق تۋرالى حالىقتى بىرىڭعاي حاباردار ەتۋ تۋرالى 4 تامىزدا ىشكى ىستەر ءمينيسترىنىڭ تسيفرلىق دامۋ مينيسترلىگىنىڭ وكىلدەرىمەن جانە بايلانىس وپەراتورلارىمەن كەزدەسۋىندە ايتىلعان بولاتىن. ءموبيلدى بايلانىس قازاقستاننىڭ ءاربىر تۇرعىنىنا, تۇرعىلىقتى جانە ورنالاسقان جەرىنە قاراماستان, SMS ارقىلى الاياقتىق فاكتىلەرى تۋرالى اقپارات جەتكىزۋگە, جەدەل حاباردار ەتۋگە مۇمكىندىك بەرەدى. قازىر Kcell قولدانۋشىلارىنا ەسكەرتپە SMS-تەر جىبەرىلدى. تاراتۋ جۇيەسىنىڭ شەكتەۋلەرىنە بايلانىستى SMS ماتىندەرىندەگى تاڭبالار سانى شەكتەۋلى. سوندىقتان حابارلاما ءماتىنى قىسقارتىلعان. ىشكى ىستەر مينيسترلىگى بارشا ازاماتتاردى ساق بولۋعا شاقىرادى», دەدى ول.
