قوعام • 15 تامىز، 2022

وتكەن اپتادا ەلىمىزدە 3 مىڭنان استام قىلمىس تىركەلدى

30 رەت كورسەتىلدى

بۇل تۋرالى ىشكى ىستەر مينيسترلىگىنىڭ وكىلى شۇعىلا تۇرلىبەك ايتتى، دەپ حابارلايدى Egemen.kz.

«وتكەن اپتادا 3278 قىلمىس جاسالدى. ونىڭ ىشىندە 1978-ءى تاۋلىك ىشىندە اشىلدى. پوليتسيا قىزمەتكەرلەرى ءىزىن سۋىتپاي 12 كىسى ءولتىرۋدى، 5 ادام ولىمىنە اكەپ سوققان دەنساۋلىققا قاساقانا اۋىر زيان كەلتىرۋدى، 3 قاراقشىلىق، 37 توناۋ مەن 512 بوتەن م ۇلىكتى ۇرلاۋ قىلمىستارىن اشتى»، دەدى ءىىم وكىلى ۆەدومستۆونىڭ ءباسپاسوز قىزمەتى الاڭىندا وتكەن بريفينگتە.

«مارات احمەتجانوۆ ۆەدومستۆو پوليتسيا قىزمەتكەرلەرىنىڭ قۇقىقتىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ بويىنشا ءتيىمدى جۇمىس ىستەۋى ءۇشىن جاعداي جاساۋدى جالعاستىراتىنىن اتاپ ءوتتى. جەكە قۇراممەن كەزدەسۋدە مينيستر مەملەكەت باسشىسى جاڭا قازاقستاندى قالىپتاستىرۋدا ءىىم-گە قويعان تالاپتاردى، سونىمەن قاتار قىزمەتكەرلەر اراسىندا سىبايلاس جەمقورلىققا قارسى كۇرەستى كۇشەيتۋدى ەسكە سالدى. سونداي-اق ول تسيفرلاندىرۋدى ەنگىزۋ، بيۋروكراتيانى قىسقارتۋ جانە سوتقا دەيىنگى تەرگەۋ كەزىندە قۇجات اينالىمىن ازايتۋ بويىنشا تاپسىرمالار بەردى»، دەدى شۇعىلا تۇرلىبەك.

سوڭعى جاڭالىقتار

ۇقساس جاڭالىقتار