تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ جەدەل ۋاكىلدەرى پاترۋلدىك پوليتسيا قىزمەتكەرلەرىمەن بىرگە ەسىرتكى زاتتارىن تاسىمالداۋى مۇمكىن دەگەن كۇدىكتى جۇرگىزۋشىنى ۇستادى.
جەدەل-ىزدەستىرۋ شارالارى بارىسىندا پوليتسەيلەر تۇلكىباس اۋدانى اۋماعىنداعى «باتىس قىتاي - باتىس ەۋروپا» تاس جولىندا «اۋدي س4» ماركالى اۆتوكولىكتى توقتاتتى.ءتىنتۋ كەزىندە اۆتوكولىك سالونىنان ىشىندە ەسىرتكىگە ۇقساس زاتى بار سالماعى 10 كەلىدەن اساتىن 1 قاپ پەن 1 پوليەتيلەن پاكەت تابىلىپ, تاركىلەندى. ساراپتاما ناتيجەسىندە ونىڭ كەپتىرىلگەن ماريحۋانا ەكەنى انىقتالدى.
«كۇدىكتى بۇرىن سوتتى بولعان, جەكە تاسىمالىمەن اينالىساتىن جۇرگىزۋشى, جامبىل وبلىسىنىڭ تۇرعىنى», دەپ اتاپ ءوتتى تۇركىستان وبلىستىق پوليتسيا دەپارتامەنتى.
