ايماقتار • 13 تامىز، 2022

شىمكەنتتە ەسىرتكىنى پوشتا ارقىلى جولداعان ازامات 5 جىلعا سوتتالدى

23 رەت كورسەتىلدى

شىمكەنتتە 30 جاستاعى ەر ادام ەسىرتكى زاتىن وتكىزۋمەن اينالىسقانى ءۇشىن 5 جىلعا سوتتالدى، دەپ حابارلايدى  Egemen.kz.

شىمكەنت قالاسىنىڭ تۇرعىنى جالپى سالماعى 79،1 گرامم ماريحۋانانى تۇزەۋ مەكەمەسىندە جازاسىن وتەپ جاتقان اعاسىنا جەتكىزۋ ءۇشىن پلاستيكتەن جاسالعان مايونەز شەلەكتەرىنىڭ تۇبىنە جاسىرعان.

سودان كەيىن كەپتىرىلگەن «ماريحۋانا» سالعان ىدىستى شىمكەنت قالاسىنداعى پوشتا بولىمشەلەرىنىڭ بىرىنە اكەلىپ، راسىمدەپ، ەكى رەت پوشتا ارقىلى تاراز قالاسىنداعى تۇزەۋ مەكەمەسىنە جولداعان.

الايدا تۇزەۋ مەكەمەسىنىڭ قىزمەتكەرلەرى سالەم-ساۋقاتتى تەكسەرۋ بارىسىندا ەسىرتكىنى تاۋىپ العان.  

«شىمكەنت قالاسى اباي اۋداندىق سوتى جەرگىلىكتى تۇرعىندى قر قك 297-بابىنىڭ 1-بولىگىندە (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، ولاردى جونەلتۋ نە وتكىزۋ) كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىپ، 5 (بەس) جىل باس بوستاندىعىنان ايىرۋ تۇرىندە جازا تاعايىنداۋ تۋرالى ۇكىم شىعاردى. سوت پروتسەسى بارىسىندا سوتتالۋشى ءوز كىناسىن تولىق مويىنداپ، ءوزىنىڭ ارەكەتىنە شىنايى وكىنەتىنىن جەتكىزدى»، دەلىنگەن شىمكەنت قالاسى پد تاراتقان حابارلامادا.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار