ەلوردا • 12 تامىز، 2022

ەلوردادا كولىك قوزعالىسى ءىشىنارا شەكتەلەدى

33 رەت كورسەتىلدى

14 تامىزدا نۇر-سۇلتان قالاسى BI GROUP IRONMAN 70.3 ASTANA دەپ اتالاتىن ءىرى حالىقارالىق جارىستا ترياتلون اۋەسقويلارى قايتا باس قوساتىن بولادى. وسىعان بايلانىستى قالادا بىرنەشە كوشە جابىلادى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

جارىس 2018 جانە 2019 جىلدارى قازاقستاندا وتكەنىن ەسكە سالامىز. بيىلعى اتالعان قاشىقتىقتان نەمەسە «جارمادان» باسقا «تولىق Ironman» - BI GROUP IRONMAN KAZAKHSTAN وتەدى. ءاربىر جارىس ءۇزىلىسسىز وتەتىن ءۇش كەزەڭنەن تۇرادى: 3،86 كم-گە ءجۇزۋ، ۆەلوسيپەدپەن 180،25 كم ءجۇرىپ ءوتۋ جانە 42،195 كم-گە مارافوندىق جۇگىرۋ. Ironman 70.3 سەرياسىنىڭ جارىستارى ەكى ەسە قىسقارتىلعان قاشىقتىقتا جارىستى قاراستىرادى: 1،9 كم ءجۇزۋ، ۆەلوسيپەدتىك بايگە 90 كم 21،1 كم جۇگىرۋ. 

ستارتقا الەمنىڭ 77 ەلىنەن 2 200 ترياتلەت قاتىسادى. بۇل ەكى جىلدىق ۇزىلىستەن كەيىنگى قازاقستانداعى ءبىرىنشى بايگە. ۇيىمداستىرۋشىلار ۇلىبريتانيا، ءۇندىستان، گەرمانيا جانە رەسەيدەن ترياتلەتتەردىڭ ۇلكەن توبىن كۇتۋدە. 

14 تامىزدا BI GROUP IRONMAN بايگەسىن وتكىزۋ كەزىندە استانادا كەلەسى باعىتتار بويىنشا اۆتوكولىكتەردىڭ قوزعالىسىنا جارتىلاي شەكتەۋ ۇيىمداستىرىلاتىن بولادى:

04:00-18:00 ارالىعىندا - ب.مومىش ۇلى داڭعىلى بويىنشا ەلىم-اي كوشەسىنەن باستاپ سارايشىق كوشەسىنە دەيىن جولدىڭ ەكى جولاعىن جارتىلاي جابۋ;

04:00-18:00 ارالىعىندا بايتۇرسىنوۆ كوشەسى بويىنشا  تاۋەلسىزدىك داڭعىلىنا دەيىن جولدىڭ ەكى جولاعىن جارتىلاي جابۋ;

04:00-11:00 ارالىعىندا تاۋەلسىزدىك داڭعىلىنان باستاپ – ناجىميدەنوۆ كوشەسى بويىمەن قالداياقوۆ كوشەسىنە دەيىن جارتىلاي جابۋ;

04:00-11:00 ارالىعىندا - ناجىميدەنوۆ كوشەسىنەن باستاپ ودان ءارى قالداياقوۆ كوشەسى بويىمەن ارىس كوپىرى ارقىلى كوپىردىڭ وڭ جاعىنان ماڭگىلىك ەل كوشەسىنە ءتۇسىپ دوستىق كوشەسىنە دەيىن اقوردا الدىنداعى الاڭعا وڭ جاق بۇرىلىستى جابۋ. بۇدان ءارى الاڭ اينالاسىنداعى شەڭبەرمەن جانە ارىس كوپىرىنىڭ استىندا وكز بويىمەن ءاليحان بوكەيحانوۆ كوشەسىنە دەيىن جابىلادى.

04:00-11:00 ارالىعىندا - ءاليحان بوكەيحانوۆ كوشەسى بويىمەن كەرەي-جانىبەك كوشەسىنە دەيىنگى جولدى جابۋ;

04:00-11:00 ارالىعىندا كەرەي-جانىبەك كوشەسى بويىمەن 38-ءشى كوشەگە دەيىن جارتىلاي جابۋ;

04:00-11:00 ارالىعىندا - 38-ءشى كوشە بويىمەن ۇلى دالا داڭعىلىنا دەيىن جارتىلاي جابۋ;

04:00-18:00 ارالىعىندا ۇلى دالا داڭعىلىنان باستاپ وڭتۇستىك اينالىس جولىنا دەيىن 04:00-18:00 ارالىعىندا اينالىس جول بويىنشا م 36 تاس جولىنان تۇسكەندە قورعالجىن تاس جولىنا بۇرىلىسقا جانە نۇرپەيىس باعانين كوشەسىمەن قيىلىستا ۆەلوتۇراقتىڭ جانىندا بۇرىلىسىنا دەيىن جارتىلاۋ جابۋ.

04:00 - 18:00 ارالىعىندا وڭتۇستىك اينالىس جولىنان ۇلى دالا داڭعىلىنىڭ وڭ جاعىندا جاڭا كوپىر ارقىلى ناجىميدەنوۆ كوشەسىنە دەيىنگى جولدى جابۋ;

04:00 - 18:00 ارالىعىندا ناجىميدەنوۆ كوشەسىنەن باستاپ تاۋەلسىزدىك داڭعىلىنا دەيىنگى جولدى جابۋ. مارە بايتۇرسىنوۆ كوشەسى بويىنداعى ساياباقتا بولادى. 

جولدى جابۋدىڭ تولىق كارتاسى 2گيس سەرۆيسىندە كورىنەتىن بولادى. 

ءىس-شارا نۇر-سۇلتان قالاسىنىڭ اكىمدىگى جانە قازاقستاندىق ترياتلون فەدەراتسياسىنىڭ قولداۋىمەن وتەدى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار