قازاقستان • 12 تامىز، 2022

يدم باسشىسى قۇرىلىسشىلاردى كاسىبي مەرەكەسىمەن قۇتتىقتادى

25 رەت كورسەتىلدى

قۇرىلىسشىلار كۇنى قارساڭىندا يندۋستريا جانە ينفراقۇرىلىمدىق دامۋ مينيسترلىگىندە سالا قىزمەتكەرلەرىن ماراپاتتاۋعا ارنالعان جيىن ءوتتى، دەپ حابارلايدى Egemen.kz.

اتاۋلى داتاعا وراي ۇيىمداستىرىلعان شاراعا قاتارداعى جۇمىسشىلار، جوبالاۋشىلار، ارحيتەكتورلار مەن قۇرىلىس سالاسىنىڭ ارداگەرلەرى قاتىستى.

سالتاناتتى راسىمدە ۆەدومستۆو باسشىسى قۇتتىقتاۋ ءسوز سويلەپ، ەلىمىزدىڭ الەۋەتىنىڭ ارتۋىندا قۇرىلىس سالاسىنىڭ ماڭىزدى ءرول اتقاراتىنىن اتاپ ءوتتى.

قايىربەك وسكەنباەۆ ءوز سوزىندە قۇرىلىسشىلاردى كاسىبي مەرەكەسىمەن تەك قانا يدم عانا ەمەس، سونىمەن قاتار بارلىق قازاقستاندىقتار قۇتتىقتايتىنىن ايتتى.

«قۇرىلىس سالاسى – ەكونوميكانىڭ باستى درايۆەرلەرىنىڭ ءبىرى دە بىرەگەيى. بۇل سالا وتانداستارىمىزدىڭ تۇرمىس ساپاسى مەن ءال-اۋقاتىنىڭ ارتۋىنا جانە بارشا ازاماتتارىمىزدىڭ باياندى بولاشاعىن قامتاماسىز ەتۋگە تىڭ سەرپىن بەرەدى. سىزدەردىڭ قاجىرلى ەڭبەكتەرىڭىزدىڭ ارقاسىندا ساۋلەتتى دە اسەم عيماراتتار بوي كوتەرۋدە، ءتۇرلى الەۋمەتتىك نىساندار كوپتەپ سالىنۋدا. سوندىقتان دا كاسىبي مەرەكەلەرىڭىزدىڭ قارساڭىندا سىزدەردىڭ تاباندى ەڭبەكتەرىڭىزگە قۇرمەت كورسەتىپ، ءىلتيپات ءبىلدىرۋدى ۇيعاردىق»، دەپ اتاپ ءوتتى مينيستر.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار