تۇركىستاندىقتاردىڭ قۋانى-شىن بولىسۋگە بارعان وبلىس اكىمى نۇرالحان كوشەروۆ تۇرعىن ءۇي كەزەگىندە تۇرعان ازاماتتارعا جاڭا پاتەر كىلتتەرىن تابىس ەتىپ, ىزگى تىلەگىن جەتكىزدى.
«قازاق حالقى ء«ۇيى باردىڭ – كۇيى بار» دەيدى. راسىندا, باسپانا – ءار وتباسىنىڭ باقىتى مەن بەرەكەسىنىڭ, تۇراقتىلىعى مەن تىنىشتىعىنىڭ نەگىزى. مەملەكەت باسشىسى ق.توقاەۆ حالىقتىڭ ءال-اۋقاتىن ارتتىرۋ مەن تۇرعىنداردى باسپانامەن قامتاماسىز ەتۋدى ۇنەمى باستى مىندەت رەتىندە بەلگىلەيدى. وسى مىندەتتەردى جۇيەلى جۇزەگە اسىرۋدىڭ ناتيجەسىندە وڭىرىمىزدە تۇرعىن ءۇي قۇرىلىسى قارقىندى دامىپ, مىڭداعان ازاماتتىڭ تۇرعىن ءۇي ماسەلەسى شەشىمىن تاۋىپ جاتىر. بىلتىر تۇرعىن ءۇي كەزەگىندە تۇرعان ازاماتتارعا 3 564 پاتەر بەرىلسە, وسى جىلى 2 292 پاتەر بەرۋدى جوسپارلاپ وتىرمىز. بۇگىن تاعى دا 512 وتباسىنىڭ قۋانىشى ەسەلەندى. بۇل ۇيلەردىڭ جايلى ءارى كورىكتى بولۋى تۇرعىنداردىڭ وزدەرىنە بايلانىستى. سوندىقتان بارشاڭىزدى اۋلانىڭ تازالىعىن ساقتاۋعا, كوگالداندىرۋ, اباتتاندىرۋ جۇمىستارىنا بەلسەندى اتسالىسۋعا شاقىرامىن. ويتكەنى ءدال وسى اۋلادا ءوز بالالارىڭىز ءوسىپ, تاربيەلەنىپ, الاڭسىز وينايدى», دەدى نۇرالحان ورالباي ۇلى.
بىلتىر مامىردا كۇشىنە ەنگەن تۇرعىن ءۇي زاڭناماسىنداعى وزگەرىستەرگە سايكەس, تۇرعىن ۇيگە مۇقتاج ازاماتتاردى ەسەپكە الۋ, كەزەكتىلىگىن جۇرگىزۋ, تۇرعىن ۇيلەردى ءبولۋ فۋنكتسيالارى «وتباسى بانك» اق-عا بەرىلدى. تۇركىستاندا باسپانا كىلتىن العان تۇرعىندار – جاڭا تارتىپپەن «وتباسى بانك» ارقىلى ىرىكتەلىپ, جولداما العان العاشقى ازاماتتار.
سونداي-اق بۇل كۇنى سوزاق اۋدانى ورتالىعىنداعى جەتكىنشەك شاعىن اۋدانىندا 29 وتباسىنا جاڭا پاتەرلەردىڭ كىلتى سالتاناتتى تۇردە تابىس ەتىلدى. جاڭا باسپانالار حالىقتىڭ الەۋمەتتىك وسال توپتارىنا جاتاتىن ازاماتتار مەن كوپبالالى وتباسىلارعا بەرىلدى. ءىس-شارادا اۋدان اكىمى مۇحيت تۇرىسبەكوۆ جاڭا پاتەر يەلەرىن قۇتتىقتاپ, بۇل باعىتتاعى جۇمىستار الداعى كەزەڭدە دە جالعاساتىنىن اتاپ ءوتتى. باسپانا يەلەرى مەملەكەت تاراپىنان كورسەتىلىپ جاتقان قولداۋعا ريزاشىلىقتارىن ءبىلدىرىپ, قۋانىشتارىن جينالعان جۇرتشىلىقپەن ءبولىستى.
بۇگىندە جەتكىنشەكتە تۇرعىن ءۇي قۇرىلىسى قارقىندى جالعاسىپ جاتىر. قازىردە پايدالانۋعا دايىن تاعى 47 پاتەر بار. قۇجاتتاندىرۋ راسىمدەرى اياقتالعان سوڭ بۇل باسپانالار دا كەزەڭ-كەزەڭىمەن ءوز يەلەرىنە تابىستالادى. سونىمەن قاتار 20 پاتەرلى تۇرعىن ۇيلەردىڭ قۇرىلىسى جۇرگىزىلىپ كەلەدى. بۇدان بولەك, «قازاتومونەركاسىپ» ۇاك»اق-تىڭ ەنشىلەس ۇيىمدارىنىڭ دەمەۋشىلىگىمەن جاڭعىرتۋ باعدارلاماسى اياسىندا 16 پاتەرلى ەكى قاباتتى تۇرعىن ءۇيدىڭ قۇرىلىسى ءجۇرىپ جاتىر.
تۇركىستان وبلىسى
