«Western Edge Premier Event» – اقش-تا وتەتىن حالىقارالىق «FIRST» روبوتتەحنيكا قوزعالىسىنىڭ ەڭ بەدەلدى جارىستارىنىڭ ءبىرى. بۇل تۋرنيرگە الەمنىڭ تۇكپىر-تۇكپىرىنەن ۇزدىك كوماندالار قاتىسادى. ولار روبوت قۇراستىرۋ, باعدارلامالاۋ, ينجەنەرلىك شەشىمدەر جانە كوماندالىق جۇمىس بويىنشا باق سىنايدى. اتالعان جارىستىڭ ەرەكشەلىگى – كوماندالار تەك روبوتتىڭ تەحنيكالىق مۇمكىندىگىن عانا ەمەس, يننوۆاتسيالىق شەشىمدەرىن, قوعامعا پايداسىن جانە كوماندانىڭ جۇمىسىن دا كورسەتەدى.
لوس-اندجەلەستە وتكەن تۋرنيرگە 10-نان استام ەلدەن 88 كوماندا قاتىستى. ەلىمىزدىڭ نامىسىن قورعاعان «PHOBOS» كومانداسى ءبىرىنشى ورىندى قانجىعاسىنا بايلادى. سونىمەن قاتار كوماندا ءتۋرنيردىڭ «Inspire Award Winner – Sea Division Inspire Award Winner», «Western Edge Premier Event Winning Alliance Captain», «Sea Division Winning Alliance Captain», «Western Edge Premier Event PHOBOS» سياقتى ءتورت بىردەي ماراپاتىنا قول جەتكىزدى.
ايتا كەتەيىك, «PHOBOS» كومانداسىمەن بىرگە ەل نامىسىن الماتى قالاسىنىڭ «Qazaq Style» جانە «UlyDala» كوماندالارى دا قورعادى. سونداي-اق اقتوبە قالاسىنىڭ «GAMBIT» كومانداسى وزىق ينجەنەرلىك شەشىمدەرى مەن تەحنيكالىق قۇجاتتاماسىنىڭ جوعارى دەڭگەيى ءۇشىن «Think Awar 2nd Place» ماراپاتىنا يە بولدى.
تاعى ءبىر ماڭىزدى جاڭالىق NIS شىمكەنت-اباي مەكتەبىنىڭ وقۋشىلارى كەنتۋككي شتاتىنىڭ لەكسينگتون قالاسىندا وتكەن «Run for the Robots» حالىقارالىق تۋرنيرىندە جوعارى ناتيجە كورسەتتى. مەكتەپتىڭ «Atomic Heart» كومانداسى قازىلار القاسىنىڭ ەڭ جوعارى ماراپاتى – «Inspire Award» جۇلدەسىن الدى. تارتىستى دوداعا اقش-تىڭ 25 شتاتىنان جانە پۋەرتو-ريكو, برازيليا, قازاقستاننان 70-تەن استام كوماندا قاتىستى.
فاريزا ءىزباساروۆا,
ل.ن.گۋميلەۆ اتىنداعى
ەۋرازيا ۇلتتىق ۋنيۆەرسيتەتىنىڭ 2-كۋرس ستۋدەنتى
