ءبىلىم • 11 تامىز، 2022

ءىت ماماندارىن دايارلاۋعا ۇلەس

129 رەت كورسەتىلدى

تالدىقورعان جوعارى پوليتەحنيكالىق كوللەدجى NCCER قۇرىلىس سالاسىنداعى ۇلتتىق وقىتۋ جانە زەرتتەۋ ورتالىعىندا اككرەديتتەۋدەن وتكەن وقۋ ورتالىعى مارتەبەسىن الۋعا نيەتتى. وسى ماقساتتا كوللەدج حالىقارالىق سالالىق باعالاۋدىڭ ءۇشىنشى كەزەڭىن اياقتادى. سونداي-اق گەرمانيانىڭ اعا ساراپشىلار قىزمەتىمەن بىرلەسىپ ىنتىماقتاستىق جوباسىنا قاتىسۋدى جوسپارلاپ وتىر.

مەملەكەت باسشىسى ق.توقاەۆ ەلىمىزدە 1 مىڭ ءىت مامانىن دايارلاۋ جونىندە تاپسىرما جۇكتەگەنى بەلگىلى. وسى ورايدا پولي­تەح­ني­كا­لىق كوللەدج ءىت ماماندار دايار­لاۋ­دا جاقسى ناتيجەلەرگە قول جەت­كىزىپ كەلە جاتقان تابىستى ءبى­لىم بەرۋ مەكە­مەسى رەتىندە تانىلىپ كەلەدى. مىسالى، ستاتيستيكا بو­يىنشا 2020 جىلى كوللەدجدىڭ ءىت باعىتىنداعى تۇلەكتەرىنىڭ 92 پايىزى جۇمىسقا ورنالاسسا، بىلتىر بۇل كورسەتكىش 96 پايىزدى قۇراعان. مۇنداي ناتيجەگە 2019 جىلى ءىت-ورتالىق كوللەدجىنىڭ بازاسىندا STEM-ايماق، كوۆوركينگ ورتالىعى، بەينە جانە فوتوستۋديا، بيزنەس-ينكۋباتور، WorldSkills جاتتىعۋ لاگەرى قۇرىلىپ، جۇمىس ىستەگەنى وڭ ىقپال ەتتى. مۇندا سونىمەن قاتار Cisco جانە steam جەلىلىك اكادەميالارى جۇمىس ىس­تەيدى. ورتالىقتا ستۋدەنتتەرگە ار­نال­عان Web-ديزايندەۋ مەن ازىر­لەۋ، 3D-مودەلدەۋ، CAD پلاتفورماسىندا جوبالاۋ پراكتيكالىق ساباقتارى مەن وقىتۋ كۋرستارى وتكى­زى­لەدى. سونداي-اق كوللەدجدە جاڭا ءىت-تەحنولوگيالاردى مەڭگەرۋگە ارنالعان زەرتحانا جۇمىس ىستەيدى. جالپى، بۇگىندە وبلىس كولەمىندە 59 IT-سىنىپ، 12 STEAM-كابينەت، IT-مەكتەپ بار.

سونداي-اق كوللەدج قازىرگى زا­مانعى ەڭبەك نارىعىنىڭ تالاپتارىن ەسكەرىپ، قۇرىلىس سالاسىندا ما­ماندار دايارلاۋعا ەرەكشە كوڭىل ءبولىپ وتىر. بۇگىندە مۇندا وسى ماماندىقتاردا 141 ستۋدەنت ءبىلىم الۋدا.

كوللەدج ديرەكتورى ەرقات مۇقا­جانوۆتىڭ ايتۋىنشا، ءبىلىم وردا­سى بۇگىندە NCCER Project Supervision باعدارلاماسى بويىنشا ۇلتتىق وقىتۋ جانە قۇرىلىس سالا­سىنداعى زەرتتەۋ ورتالىعىندا اككرە­ديتتەۋدەن وتكەن وقۋ ورتالىعى مارتەبەسىن الۋ ءۇشىن حالىقارالىق سالالىق باعالاۋدىڭ ءۇشىنشى كەزەڭىن اياقتادى. اككرەديتتەۋدەن ءساتتى وتكەن جاعدايدا مەكەمە قۇرىلىس سا­لا­­­سىنداعى جۇمىسكەرلەردى سەرتي­في­كات­تاۋعا قۇقىق بەرەتىن حالىق­ارا­­لىق ۇلگىدەگى قۇجاتقا يە بولادى. بۇل سەرتيفيكات مامان قۇزىرەتىنىڭ كاسىبي ستاندارتتارعا، ونىڭ ىشىندە حالىقارالىق ستاندارتتاردىڭ تالاپتارىنا سايكەستىگىن تانۋعا جانە راستاۋعا ارنالعان. حالىقارالىق سا­لالىق اتتەستاتتاۋدىڭ بارلىق كە­زە­ڭىن جىل سوڭىنا دەيىن اياقتاۋ جوس­پارلانىپ وتىر.

«ەڭ باستى مىندەتىمىزدىڭ ءبىرى – تۇلەكتەرىمىزدى جۇمىسقا ورنا­لاستىرۋ دەڭگەيىن ارتتىرۋ، ولار­دىڭ ءبىلىمىنىڭ، ىسكەرلىگى مەن داع­دى­لارىنىڭ باسەكەگە قابىلەتتىلىگىن كوتەرۋ. سوندىقتان ءبىز قۇرىلىس مامان­دىقتارى بويىنشا حالىق­ارا­لىق سالالىق اككرەديتتەۋدەن وتۋگە شىنداپ كىرىستىك. بۇل رەتتە بىزگە «تالاپ» كەاق ءتيىستى قولداۋ كورسەتتى. وسى سىناقتان ءساتتى وتسەك، بۇل بىزگە قۇرىلىس سالاسىنداعى جۇمىسشىلاردىڭ بىلىكتىلىكتەرى بويىنشا يمپورت الماستىرۋدى قامتاماسىز ەتۋگە مۇمكىندىك بەرەدى. ءسويتىپ، بىرتە-بىرتە وتاندىق ءىرى كوم­پانيالار شەتەلدىك مامانداردى جۇمىسقا شاقىرۋدى ازايتاتىن بولادى. ءتىپتى وعان قاجەتتىلىك تە بولمايدى. ءبىزدىڭ تۇلەكتەرىمىز قولدارىنا حالىقارالىق سەرتيفيكات الىپ، وزدەرىنىڭ باسەكەگە قابىلەتتىلىك دەڭگەيىن ارتتىرۋمەن قاتار ەڭبەكاقىسىنىڭ دەڭگەيىن دە ەداۋىر ارتتىرا الادى. دەمەك جىل وتكەن سايىن ءبىز كەڭسەدە جۇمىس ىستەي­تىندەر عانا جاقسى اقشا تابا الادى دەگەن ستەرەوتيپتى جەڭەمىز دەپ ويلايمىن. وسىلايشا، جاستار كوللەدجدە وقىپ، قاجەتتى جۇمىسشى ماماندىعىن مەڭگەرىپ تە تابىستى بولا الاتىنىن تۇسىنە باستايدى»، دەدى ە.مۇقاجانوۆ.

كوللەدج باسشىسىنىڭ ايتۋىن­شا، وسى جوبانىڭ شەڭبەرىندە مەكە­مەنىڭ 5 وقىتۋشىسى 1-5 تامىز ارالىعىندا بىرنەشە پوزيتسيا بويىنشا قىسقا مەرزىمدىك كۋرستان وتكەن. ەندى ولار NCCER بازاسىندا وقىتۋشى، ۇلگەرىمدى باقىلاۋشى، وقۋ باعدارلاماسىنىڭ ينسپەكتورى رەتىندە تىركەلدى.

 

جەتىسۋ وبلىسى

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار