اتالعان جوباعا 599 مەديتسينالىق ۇيىم قوسىلدى. بيىل پيلوتتىق جوبا ارقىلى مۇگەدەكتىكتى بەلگىلەۋ بويىنشا سىرتتاي قىزمەت كورسەتۋمەن قامتۋدى 20%-عا دەيىن جەتكىزۋ جوسپارلانعان. قازىر بۇل كورسەتكىش 22%-دى قۇرايدى.
ايتا كەتسەك, ۇلتتىق قوعامدىق سەنىم كەڭەسىنىڭ VI وتىرىسىندا مەملەكەت باسشىسى ەرەكشە قاجەتتىلىكتەرى بار ادامدار ءۇشىن بارىنشا قولايلى جاعداي جاساۋدى, ولاردى قاعازباستىلىقتان ارىلتۋدى, ينستانتسيالار بويىنشا ءجۇرۋىن جانە قىزمەت كورسەتۋشىلەردىڭ قىزمەت الۋشىلارمەن بايلانىسىن بولدىرماۋدى تاپسىرعان ەدى. تاپسىرمانى ورىنداۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ جانە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىمەن بىرلەسىپ, قازاقستاننىڭ بارلىق وڭىرىندە پيلوتتىق رەجيمدە مەديتسينالىق-الەۋمەتتىك ساراپتاما جۇرگىزۋدىڭ سىرتتاي فورماتى بويىنشا جوبا ىسكە اسىرۋدا.
مۇگەدەكتىك توبىن انىقتاۋ بويىنشا قىزمەت الۋ ءۇشىن ءوتىنىش بەرۋشى تەك تۇرعىلىقتى جەرى بويىنشا ەمحاناعا بارىپ, قاجەتتى تەكسەرۋدەن ءوتۋى قاجەت, قالعان پروتسەستەر اقپاراتتىق جۇيەلەردى ينتەگراتسيالاۋ ەسەبىنەن ونىڭ قاتىسۋىنسىز وتەدى.
