ەكونوميكا • 09 تامىز، 2022

قازاقستاننىڭ ەكسپورت كولەمى ارتتى

302 رەت كورسەتىلدى

2022 جىلدىڭ 5 ايىندا ەكسپورت 34،2 ملرد اقش دوللارىنا جەتتى، ءوسىم 12،7 ملرد اقش دوللارىنا تەڭ نەمەسە 37،2% - دى قۇرادى، دەپ حابارلايدى Egemen.kz ساۋدا جانە ينتەگراتسيا مينيسترلىگىنە سىلتەمە جاساپ.

ەكسپورتتىڭ مىناداي ەلدەرگە ۇلعايعانى بايقالادى: گرۋزيا - 7 ەسە (2021 جىلى 12،6 ملن اقش دوللارىنان 2022 جىلى 90،2 ملن اقش دوللارىنا دەيىن)، كانادا - 6،6 ەسە (2021 جىلى 51،8 ملن اقش دوللارىنان 2022 جىلى 343،5 ملن اقش دوللارىنا دەيىن)، ماروككو-5 ەسە (2021 جىلعى 24،1 ملرد اقش دوللاردان باستاپ 2022 جىلى 124،1 ملن اقش دوللارىنا دەيىن)، وڭتۇستىك كورەيا - 4 ەسە (2021 جىلعى 441،3 ملن اقش دوللارىنان باستاپ 2022 جىلى 1،7 ملرد اقش دوللارعا دەيىن)، جاپونيا - 3،3 ەسە (2021 جىلعى 125،6 ملن اقش دوللاردان باستاپ 2022 جىلى 418،9 ملن اقش دوللارىنا دەيىن)، تۇركيا - 2،1 ەسە (2021 جىلى 1 ملرد اقش دوللارىنان باستاپ 2022 جىلى 2،1 ملرد اقش دوللارىنا دەيىن).

جالپى، قازاقستان وتاندىق ءونىمدى سىرتقى نارىقتاردا ىلگەرىلەتۋ بويىنشا بەلسەندى ساياسات جۇرگىزۋدە. ساۋدا جانە ينتەگراتسيا مينيسترلىگى، ءوز كەزەگىندە، ەكسپورتتى قولداۋ قۇرالدارىنىڭ كەڭ ءتىزىمىن قولدانادى.

شيكىزاتتىق ەمەس ەكسپورتتى دامىتۋ شەڭبەرىندە قازاقستاندىق ەكسپورتتاۋشىلار ءۇشىن شىعىنداردىڭ ءبىر بولىگىن وتەۋ، ساقتاندىرۋ، كەپىلدىك بەرۋ جانە سۋبسيديالاۋ، سونداي-اق قارجىلىق ەمەس قۇرالدار، قولداۋ باعدارلامالارى ارقىلى قارجىلىق قولداۋ كورسەتۋ، قر سىرتقى ىستەر مينيسترلىگىنىڭ شەتەلدىك مەكەمەلەرىن تارتۋ، ەكسپورتتىق الەۋەتى جوعارى قىزمەتتەردى دامىتۋ، قاۋىپسىزدىك پەن ساپانىڭ حالىقارالىق تالاپتارىنا جاۋاپ بەرەتىن جاڭا ۇلتتىق ستاندارتتاردى قابىلداۋ بويىنشا شارالار ۇسىنىلادى.

ەكسپورتتىق اكسەلەراتسيا باعدارلاماسى اياسىندا وتاندىق ءونىمدى رەسەيگە، وزبەكستانعا، بىرىككەن اراب امىرلىكتەرىنە، ساۋد ارابياسىنا، ازەربايجانعا ىلگەرىلەتۋ كوزدەلگەن. 

ورتالىق ازيا ەلدەرى، رەسەي جانە ەاەو-نىڭ باسقا ەلدەرى، قىتاي، تۇركيا، ەۋروپا ەلدەرى، اقش، يران باسىم نارىقتار بولىپ قالا بەرەدى. اتالعان ەلدەردىڭ تىزبەسى بويىنشا مينيسترلىك وتاندىق وڭدەلگەن ونىمدەردى: ازىق-ت ۇلىك، مەتالل بۇيىمدارىن، جابدىقتاردىڭ جەكەلەگەن تۇرلەرىن، وتىندى ىلگەرىلەتۋ بويىنشا بەلسەندى جۇمىس جۇرگىزۋدە.

سوڭعى جاڭالىقتار

ۇقساس جاڭالىقتار