اۆتوموبيل كوپىرىن سالۋ بويىنشا نەگىزگى جۇمىس اياقتالدى, وسىلايشا كوپىر ۇستىندە قوزعالىس ورنايدى. ال كوپىردى اباتتاندىرۋ, ونىڭ ىشىندە تروتۋار بولىگى بويىنشا سوڭعى جۇمىستار قاتار جۇرەدى.
«سونداي-اق ا62 كوشەسىنىڭ (ا91 كوشەسىنەن نۇر-سۇلتان-قاراعاندى تراسساسىنا دەيىنگى ارالىق) قۇرىلىسى ءجۇرىپ جاتىر. بۇل كوشە قاراعاندى تراسساسى مەن «نۇرلى جول» تەمىرجول ۆوكزالى, سول سياقتى قالانىڭ سول جاعالاۋ بولىگى اراسىندا كولىك بايلانىسىن قامتاماسىز ەتەدى. بۇل ماڭايدا قوزعالىستى الداعى كۇزدە اشۋدى جوسپارلاپ وتىرمىز. اتالعان كوشە اۋدانداردى جاڭا كوپىرمەن جالعاۋعا مۇمكىندىك بەرەدى.
ۇلى دالا داڭعىلىنداعى كوپىر ماڭگىلىك ەل داڭعىلىنداعى, ا.بايتۇرسىن ۇلى, ر. قوشقارباەۆ, ج.ناجىمەدەنوۆ كوشەلەرىندەگى, Nova city اۋدانى مەن «مىڭجىلدىق» اللەياسىنداعى كولىك اعىنىن سەيىلتۋگە مۇمكىندىك بەرەدى, بۇعان قوسا جاڭا «نۇرلى جول» ۆوكزالى, تەلمان جانە پرومىشلەننىي ەلدى مەكەندەرى, مەترو گيپەرماركەتى اۋدانى, جۇماباەۆ داڭعىلى, جۇرگەنوۆ كوشەسى جانە ت.ب. اراسىندا بايلانىستى ارتتىرادى.
ەسىل وزەنى ارقىلى وتەتىن, كولىك قوزعالىسىنا ارنالعان تاعى ءبىر كوپىر تاۋەلسىزدىك داڭعىلىندا كەلەسى جىلى اشىلادى. بۇل كوپىر تاۋەلسىزدىك داڭعىلىن, جاڭا تەمىرجول ۆوكزالىن, قوشقارباەۆ داڭعىلىن, ناجىمەدەنوۆ كوشەسىن, ازىرەت سۇلتان مەشىتىن, بايتۇرسىن ۇلى, قورداي, ايناكول كوشەلەرىن, مومىش ۇلى داڭعىلىن ەلوردانىڭ سول جاعالاۋىمەن قوسىمشا بايلانىس ورناتادى», دەپ جازدى اكىم Insagram-داعى پاراقشاسىندا.
