«قاڭتار وقيعاسىنىڭ سەبەبىن, تەرروريستىك اكتىلەر مەن جاپپاي تارتىپسىزدىكتەردى ۇيىمداستىرۋشىلاردى انىقتاۋ جانە تەرگەۋمەن ارنايى پروكۋرورلار جەتەكشىلىگىمەن ۆەدومستۆوارالىق جەدەل-تەرگەۋ توپتارى اينالىسىپ جاتقانىن ەستەرىڭىزگە سالامىز. وكىلەتتىكتى اسىرا پايدالانۋ جانە تەرگەۋ مەن انىقتاۋدىڭ رۇقسات ەتىلمەگەن ادىستەرىنە ازاماتتاردىڭ شاعىمدارى بويىنشا تەرگەۋدى سىبايلاس جەمقورلىققا قارسى قىزمەتتىڭ قىزمەتكەرلەرى, جەكەلەگەن جاعدايلاردا ارنايى پروكۋرورلار جۇرگىزۋدە», دەدى م.قوجاەۆ ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ ايتۋىنشا, ىشكى ىستەر ورگاندارىنىڭ جەدەل-تەرگەۋ توپتارى جاپپاي تارتىپسىزدىكتەر اياسىندا جاسالعان ۇرلىق, توناۋ, بۇزاقىلىق, م ۇلىكتى قاساقانا ءبۇلدىرۋ, قارۋدى ۇرلاۋ, ءارى ساقتاۋ سياقتى فاكتىلەردى تەرگەۋدە.
«پوليتسيا قاڭتار ايىنداعى وقيعالار بويىنشا بارلىعى 4 642 قىلمىستىق ءىس قوزعادى. ونىڭ ىشىندە: 2,5 مىڭنان استامى - ۇرلىق, 708-ءى - قارۋدى ۇرلاۋ نەمەسە ساقتاۋ, 418-ءى - بۇزاقىلىق, 199-ى م ۇلىكتى جويۋ, 26-سى قاراقشىلىق جانە توناۋ فاكتىسى. وسى قىلمىستىق ىستەر اياسىندا پوليتسيا تەرگەۋشىلەرى 15 مىڭعا جۋىق ادامنان جاۋاپ الدى. 35 مىڭنان استام تەرگەۋ ارەكەتتەرى جانە 2,5 مىڭ ساراپتاما جۇرگىزىلدى. 1 731 ازامات جابىرلەنۋشى بولىپ تانىلدى. 343 ملن تەڭگەدەن استام سوماعا شىعىندى وتەۋ قامتاماسىز ەتىلدى», دەدى ول.
ءىىم وكىلىنىڭ دەرەگىنشە, بۇگىندە 969 ءىستى تەرگەۋ اياقتالىپ, ونىڭ ىشىندە 594 ايىپتالۋشىعا قاتىستى ءىس سوتتارعا جولداندى. سوتتا قاراۋ ناتيجەسىدە 500 ادامعا قاتىستى ۇكىم شىقتى. ولاردىڭ كوپشىلىگى, ناقتى ايتقاندا 398 ادامنىڭ باس بوستاندىعىنان شەكتەلدى. ال اۋىر جانە اسا اۋىر قىلمىس جاساعان 92 ادامعا باس بوستاندىعىنان ايىرۋ تۋرالى جازا تاعايىندالدى.
«قازىر پوليتسيا تەرگەۋشىلەرىنىڭ وندىرىسىندە 289 ءىس بار. ونىڭ ىشىندە 20-سى بويىنشا 27 كۇدىكتى انىقتالعان. ولاردىڭ 6-اۋى كۇزەتپەن قاماۋدا ۇستالۋدا. جاقىن ارادا بۇل قىلمىستىق ىستەر بويىنشا تۇپكىلىكتى شەشىم قابىلداۋ جوسپارلانعان. بۇل رەتتە, ىشكى ىستەر مينيسترلىگى سوتقا دەيىنگى تەرگەۋ بارىسىندا ازاماتتاردىڭ كونستيتۋتسيالىق قۇقىقتارىنىڭ ساقتالۋىن ءارى بۇزىلماۋىن قاتاڭ باقىلاۋدا ۇستاۋدا», دەدى دەپارتامەنت باستىعىنىڭ ورىنباسارى.
