«قوقىس تاستايتىن جەرلەردى جويۋ بويىنشا ناشار جۇمىس ىستەگەنى ءۇشىن ەكولوگيا دەپارتامەنتتەرى 86 لاۋازىمدى تۇلعانى (اكىمدەر مەن اكىمدەر ورىنباسارلارى) اكىمشىلىك جاۋاپكەرشىلىككە تارتتى. جاۋاپتىلارعا جالپى سوماسى 7 ملن تەڭگەدەن استام ايىپپۇل سالىندى», دەلىنگەن ۆەدومستۆونىڭ رەسمي حابارلاماسىندا.
سونداي-اق مينيسترلىكتىڭ مالىمەتىنشە, وڭىرلەردەگى ەكولوگيا دەپارتامەنتتەرى ىشكى ىستەر مينيسترلىگى جانە جەرگىلىكتى اكىمدىكتەرمەن بىرلەسىپ 2-3 شىلدە كۇندەرى زاڭسىز قوقىس تاستاۋعا قاتىستى رەيد جۇرگىزگەن.
ء«وندىرىس قالدىقتارىنا قاتىستى حالىق اراسىندا پروفيلاكتيكالىق جانە ءتۇسىندىرۋ جۇمىستارى جۇرگىزىلدى. ودان بولەك, قورشاعان ورتاعا ۇقىپپەن قاراۋ تۋرالى جادنامالار تاراتىلدى», دەپ حابارلادى ەكولوگيا مينيسترلىگى.
وسى ورايدا, اتالعان ۆەدومستۆو زاڭسىز قوقىس تاستاۋعا قاتىستى WasteEdit جانە wasteviewer ءموبيلدى قوسىمشاسىنىڭ جۇمىس ىستەيتىنىن جەتكىزەدى.
