شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, وقيعا 28 شىلدە كۇنى ساعات 08.52-دە وسكەمەندەگى پرومىشلەننايا كوشەسىندە ورنالاسقان جقس اۋماعىندا بولعان.
«جانارماي قۇيۋعا ارنالعان بوشكەلەردى تازالاۋ كەزىندە اۋا قوسىندىسى جارىلدى. سونىڭ سالدارىنان 12 جاستاعى جەتكىنشەكتىڭ دەنەسىن تەرميالىق كۇيىك شالدى. قازىرگى ۋاقىتتا ول اۋىر حالدە اۋرۋحاناعا جەتكىزىلگەن. وقيعا ورنىنا شۇعىل كەلگەن تجد قۇتقارۋشىلارى بوشكە ىشىنەن 42 جاستاعى ەر ادامنىڭ دەنەسىن الىپ شىقتى», دەلىنگەن اقپاراتتا.
الدىن الا مالىمەت بويىنشا ول رەزەرۆۋاردى تازالاعان. وعان 12 جاستاعى تۋىسى كومەكتەسكەن. جازاتايىم وقيعانىڭ سەبەبى انىقتالۋدا.
