ريددەر قالالىق پب قىزمەتكەرلەرى ءوز پاتەرىندە ەسىرتكى ساقتادى دەگەن كۇدىكپەن 31 جاستاعى قالا تۇرعىنىن ۇستادى. ۇستالعان ازاماتتىڭ تۇرعىلىقتى جەرى بويىنشا وسىمدىك تەكتەس زاتى بار 7 پوليمەرلىك تۇيىنشەك تابىلىپ, تاركىلەندى. سونىمەن قاتار تەمەكى شەگۋگە بەيىمدەلگەن مەتالل كونتەينەرلەر مەن پلاستيكالىق بوتەلكەلەردىڭ سىنىقتارى تابىلدى. ساراپتاما كورسەتكەندەي, تۇيىنشەكتەردە سالماعى 135 گرامنان استام كەپتىرىلگەن ماريحۋانا ساقتالعان.
سول كۇنى ءتارتىپ ساقشىلارى 35 جاستاعى ەكىنشى جەرگىلىكتى تۇرعىندى ۇستادى, ونىڭ ءۇيىن جانە اۋلاسىن ءتىنتۋ بارىسىندا ىشىندە جوعارىدا اتالعان زاتى بار ءبىر تۇيىنشەك تابىلدى. ساراپشىنىڭ قورىتىندىسىنا سايكەس, تاركىلەنگەننىڭ ىشىندەگىسى دە سالماعى 35 گرامنان اساتىن كەپتىرىلگەن ماريحۋانا ەكەنى انىقتالدى.
قاسكويلەردىڭ ەكەۋىنە دە قاتىستى كەلۋ تۋرالى مىندەتتەمە تۇرىندە پروتسەسسۋالدىق ماجبۇرلەۋ شاراسى تاڭدالدى.
اتالعان فاكتىلەر بويىنشا قر قك-ءنىڭ 296-بابىنىڭ 3-بولىگى جانە 296-بابىنىڭ 2-بولىگى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سوتقا دەيىنگى تەرگەۋ باستالدى.
