قىزىلوردا وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ ماماندارى ءتيىستى تەكسەرۋ جۇمىستارىن جۇرگىزگەن ەدى. ماماندار تاراپىنان تاعامداردان سانيتاريالىق-حيميالىق زەرتتەۋگە الىنعان 60 سىنامانىڭ 22-ءسى دايىن تاعام ونىمدەرىنىڭ قۇنارلىعى تالاپقا سايكەس بولماي شىقتى.
«دەنساۋلىق ساقتاۋ ۇيىمدارىنداعى, ۆاحتالىق كەنتتەردەگى, قۇرىلىس الاڭدارىنداعى, ونەركاسىپتىك نىسانداردىڭ اسحانالارىنا ەرەكشە ءتارتىپ بويىنشا تەكسەرۋ جۇرگىزىلدى. شارا بارىسىندا ىشەك تاياقشالارى توبى باكتەريالارىن انىقتاۋ ءۇشىن بارلىعى 170 شايىندى الىنىپ, ولاردىڭ 10-ىنان سايكەسسىزدىك انىقتالدى. ال سانيتاريالىق-حيميالىق كورسەتكىشتەر بويىنشا تاماق ونىمدەرىنىڭ 5 سىناماسى بەلگىلەنگەن نورمالارعا ساي بولماي شىقتى», دەلىنگەن ۆەدومستۆونىڭ ءباسپاسوز قىزمەتى تاراتقان حابارلامادا.
ۆەدومستۆو مالىمەتىنشە, سانيتاريالىق قاعيدالاردى بۇزۋ بويىنشا جاۋاپتى ازاماتتارعا قر اكىمشىلىك قۇقىق بۇزۋشىلىق تۋرالى كودەكسى 425-بابىنىڭ 1-تارماعىنا سايكەس اكىمشىلىك قۇقىق بۇزۋشىلىق تۋرالى 25 حاتتاما تولتىرىلدى. ولارعا قىسقارتىلعان ءوندىرىس تارتىبىندە 1,4 ملن تەڭگە كولەمىندە ايىپپۇل سالىندى.
