20 شىلدە كۇنى پوليتسياعا پاۆلودار اۋدانىنىڭ 41 جاستاعى اۋىل تۇرعىنى جۇگىندى. ول 11 باس جىلقى ۇرلانعانى تۋرالى حابارلادى. شىعىن 4 700 000 تەڭگەنى قۇرادى.
انىقتالعانداي, جىلقىلار قاراۋسىز جايىلىپ جۇرگەن. 6 كۇن بويى يەسىنىڭ ءوز كۇشىمەن ىزدەۋى ءساتسىز بولدى. ۇرلىق فاكتىسى بويىنشا جەدەل-ىزدەستىرۋ ءىس-شارالارى ۇيىمداستىرىلىپ, وتكىزىلدى, ناتيجەسىندە پوليتسيا قىزمەتكەرلەرى پاۆلودار اۋدانىنىڭ 42 جاستاعى تۇرعىنىن انىقتاپ, ۇستادى.
اتالعان فاكتى بويىنشا قر قك 188-1-بابى (مال ۇرلىعى) بويىنشا سوتقا دەيىنگى تەرگەۋ امالدارى جۇرگىزىلۋدە. بۇدان باسقا, ۇستالعان ادامعا قاتىستى وسىنداي قىلمىستاردى جاساۋعا قاتىستىلىعى تەكسەرىلەدى.
