تسيفرلاندىرۋ جۇمىستارى 4 كەزەڭدى قامتيدى. اتاپ ايتقاندا, قاتتى پايدالى قازبالاردى بارلاۋعا ليتسەنزيا بەرۋ, قاتتى پايدالى قازبالاردى وندىرۋگە ليتسەنزيا بەرۋ, جەر قويناۋىن پايدالانۋشى رەجىمىنە ءوتۋ شەڭبەرىندە ليتسەنزيا بەرۋ جانە جەر قويناۋىن پايدالانۋ تۋرالى شارتتارعا تۇزەتۋلەر ەنگىزۋ بويىنشا قوسىمشا كەلىسىمدى بەكىتۋ سىندى قۇجاتتىق رەسىمدەر قاراستىرىلعان.
كەيىن اتالعان مەملەكەتتىك قىزمەتتەردى قاناتقاقتى جوبا اياسىندا ەلەكتروندى فورماتتا جۇزەگە اسىرۋ جۇرگىزىلەدى.
جەر قويناۋىن پايدالانۋ سالاسىن تسيفرلاندىرۋ ەلىمىزدىڭ ينۆەستيتسيالىق تارتىمدىلىعىن ارتتىرىپ, بۇل تاراپتا قاجەتتى قۇجاتتار سانىن ايتارلىقتاي ازايتۋعا سەپتىگىن تيگىزەدى. سونىمەن قاتار بۇل پروتسەسس ءتۇرلى اكىمشىلىك كەدەرگىگە توسقاۋىل قويىپ, ليتسەنزيا بەرۋ كەزىندەگى اشىقتىقتى قامتاماسىز ەتەدى.
