وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, وبىستىق پروكۋراتۋرانىڭ باستاماسىمەن ۇلتتىق قاۋىپسىزدىك كوميتەتىنىڭ اتىراۋ وبلىسى بويىنشا دەپارتامەنتى جانە پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ بىرلەسۋىمەن اسا ءىرى كولەمدە ەسىرتكى تاسىمالداۋ فاكتىسى انىقتالدى.
ءتارتىپ ساقشىلارى «قاراسورا» جەدەل الدىن الۋ شاراسى كەزىندە «اتىراۋ-اقتوبە» تاس جولىنىڭ 30-شاقىرىمىندا «Toyota Ipsum» ماركالى كولىكتى توقتاتقان.
كولىكتى تەكسەرۋ كەزىندە جالپى سالماعى 17 كەلى تارتاتىن ماريحۋانا تابىلعان. ەسىرتكى زاتى تاركىلەندى.
«قازىر اتالعان دەرەك بويىنشا اتىراۋ قالالىق پوليتسيا باسقارماسىنىڭ قىزمەتكەرلەرى قر قىلمىستىق كودەكسىنىڭ 296-بابىنىڭ 4-بولىگىمەن سوتقا دەيىنگى تەرگەپ-تەكسەرۋدى باستادى. اسا ءىرى كولەمدە ەسىرتكىنى كولىگىمەن تاسىمالداعان جۇرگىزۋشى ۇستالدى. كۇدىكتى قاماۋعا الىندى», دەپ حابارلادى دەپارتامەنتتىڭ ءباسپاسوز قىزمەتى.
وزگە اقپارات قر قىلمىستىق-پروتسەستىك كودەكسىنىڭ 201-بابىنا سايكەس جاريالاۋعا جاتپايدى.
