بۇگىنگى تاڭدا ىشكى ىستەر ورگاندارى تەرگەۋشىلەرىنىڭ وندىرىسىندە 381 قىلمىستىق ءىس بار, ولار بويىنشا 10 ادام قامالعان
سونداي-اق مۇحتار قوجاەۆ 359 ءىس سوتقا جىبەرىلگەنىن ايتتى.
«ولاردىڭ كوپشىلىگى جاپپاي تارتىپسىزدىكتەر كەزىندە ۇرلىق جاساعانى, قارۋ ۇرلاپ, ونى زاڭسىز ۇستاعانى, كولىك قۇرالدارىن ايداپ اكەتىپ, توناۋ مەن بۇزاقىلىق جاساعانى ءۇشىن جاۋاپقا تارتىلادى», دەدى مۇحتار قوجاەۆ.
ونىڭ ايتۋىنشا, سوتتا قاراۋ ناتيجەلەرى بويىنشا اۋىر جانە اسا اۋىر قىلمىستار جاساعان 460 ادامعا قاتىستى ۇكىم شىعارىلعان.
سونىمەن قاتار 13 ادام تاراپتاردىڭ زالالىن وتەۋگە جانە تاتۋلاسۋىنا بايلانىستى قىلمىستىق جاۋاپكەرشىلىكتەن بوساتىلدى. 116 سوتتالۋشىعا قاتىستى 55 قىلمىستىق ءىس سوتتاردىڭ قاراۋىندا جاتىر.
343 ملن تەڭگەدەن استام سوماعا باعالاناتىن ازاماتتار مەن بيزنەس سۋبەكتىلەرىنىڭ ۇرلانعان مۇلكى, ونىڭ ىشىندە 12 اۆتوكولىك, 319 بىرلىك تۇرمىستىق تەحنيكا, 189 بىرلىك زەرگەرلىك بۇيىمدار, 286 ۇيالى تەلەفون, 550 بىرلىك كيىم تاركىلەندى.
