رەسەيلىك «Red Wings» اۋە كومپانياسى بيىل 4 تامىزدان باستاپ الماتى – ۋفا باعىتى بويىنشا ۇشادى. رەيس بەيسەنبى سايىن, اپتاسىنا 1 رەت ورىندالادى.
سونداي-اق 4 تامىزدان نۇر-سۇلتان – ۋفا باعىتى بويىنشا تۇراقتى جولاۋشىلار رەيسى اشىلادى. اۋە رەيسى اپتاسىنا ءبىر رەت, بەيسەنبى سايىن ۇشادى.
جولاۋشىلار SU-95 ءتيپتى ۇشاقپەن تاسىمالدانادى. بيلەتتەر اۋە كومپانياسىنىڭ رەسمي سايتىندا ساتىلادى.
اۆياتسيا كوميتەتى قازاقستان مەن رەسەي اراسىندا جاڭا رەيستەردىڭ اشىلۋى ەكى ەل اراسىنداعى ساۋدا-ەكونوميكالىق, ينۆەستيتسيالىق, تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەتىنىن اتاپ ءوتتى.
