بارلىعى دا كۇتپەگەن جەردەن بولدى. ءوزىمىز دە تاڭعالدىق. تابيعي جولمەن بولدى, ەكو ەمەس. ۇشەمدەرگە دەيىن دە ءۇش بالامىز بولعان. جولداسىمنىڭ اناسى دا ەگىزدىڭ سىڭارى. ۇشەمىمىز ومىرگە كەلگەن سوڭ جاقىندارىمىزدى كومەككە شاقىردىق. جۇكتىلىك بارىسىندا بىردەن ءۇش ءسابي بولاتىنىن بىلگەن جوقپىن. سوندىقتان دا دارىگەرلەردىڭ كەڭەسىمەن كەسار تىلىگى ارقىلى بوسانۋدى جوسپارلادىق. بارلىعى ءساتتى شىقتى. مەديتسينا قىزمەتكەرلەرىنە ۇلكەن راحمەت ايتامىن,– دەدى ۇشەمنىڭ اناسى امانگۇل تاسيبەكوۆا. بىلىكتى مەديتسينا ماماندارىنىڭ قاراۋىندا بولعان اناسى مەن نارەستەلەردىڭ جاعدايى تۇراقتالعان سوڭ ۇيىنە جىبەرىلدى.
– ومىرگە كەلگەن ءبىر ۇل مەن ەكى قىزدىڭ سالماعى 2 كگ 286 گ, 2 كگ 280 گ جانە 1 كگ 880 گ قۇرايدى. بوبەكتەردىڭ دەنى ساۋ بولسىن. ەلىمىزدىڭ قالاۋلى ازاماتتارى بولىپ ءوسسىن, – دەدى «انا مەن بالا» ورتالىعىنىڭ ديرەكتورى ج.ەپەنوۆا.
ماڭعىستاۋ وبلىسى
