اقمولا وبلىستىق سوتى توراعاسىنىڭ مىندەتىن اتقارۋشى سەرىكجان عابدۋلين قازاقستان رەسپۋبليكاسى پرەزيدەنتىنىڭ جارلىعىمەن تاعايىندالعان وبلىستىق سوتتىڭ سوت القاسىنىڭ توراعاسىن, اۋداندىق جانە وعان تەڭەستىرىلگەن سوتتاردىڭ توراعالارى مەن سۋديالارىن تانىستىردى.
وبلىستىق سوتتىڭ ءباسپاسوز قىزمەتىنىڭ مالىمەتىنشە, اقمولا وبلىستىق سوتىنىڭ قىلمىستىق ىستەر جونىندەگى سوت القاسىنىڭ توراعاسى بولىپ رادجاب دامينوۆ, سۋديا لاۋازىمىنا كوكشەتاۋ قالالىق سوتىنىڭ سۋدياسى قىزمەتىنەن بوساتىلا وتىرىپ باۋىرجان بايمۋرزين تاعايىندالدى.
سونىمەن قاتار, اقكول اۋداندىق سوتىنىڭ توراعاسى بولىپ جانات تەمىروۆ (تسەلينوگراد اۋداندىق سوتىنىڭ سۋدياسى قىزمەتىنەن بوساتىلدى), ەگىندىكول اۋداندىق سوتىنىڭ توراعاسى بولىپ كابيرا سادۋاقاسوۆا (شىعىس قازاقستان وبلىسى تارباعاتاي اۋداندىق سوتىنىڭ توراعاسى قىزمەتىنەن بوساتىلدى), ەرەيمەنتاۋ اۋداندىق سوتىنىڭ توراعاسى بولىپ عۇماربەك سيسينعاليەۆ (پاۆلودار وبلىسى اقسۋ قالالىق سوتىنىڭ سۋدياسى قىزمەتىنەن بوساتىلدى), ەسىل اۋداندىق سوتىنىڭ توراعاسى بولىپ سايان جىلقايداروۆ, كامەلەتكە تولماعانداردىڭ ىستەرى جونىندەگى مامانداندىرىلعان اۋداندىق سوتىنىڭ توراعاسى بولىپ داريعا وسپانوۆا (الماتى قالاسى نۋرىزباي اۋداندىق سوتىنىڭ سۋدياسى قىزمەتىنەن بوساتىلدى), كوكشەتاۋ قالالىق سوتىنىڭ توراعاسى بولىپ قازىبەك دەگەنباەۆ (شىعىس قازاقستان وبلىسى وسكەمەن قالالىق سوتىنىڭ سۋدياسى قىزمەتىنەن بوساتىلدى), قوسشى قالالىق سوتىنىڭ توراعاسى بولىپ نۇرلان بەكەنوۆ (اتباسار اۋداندىق سوتىنىڭ توراعاسى قىزمەتىنەن بوساتىلدى) تاعايىندالدى.
سونداي-اق زەرەندى اۋداندىق سوتىنىڭ سۋدياسى بولىپ اينۇر ساۋىتباەۆا, كوكشەتاۋ قالالىق سوتىنىڭ سۋدياسى بولىپ قازبەك ابىشەۆ (ەسىل اۋداندىق سوتىنىڭ توراعاسى قىزمەتىنەن بوساتىلدى), مامانداندىرىلعان اۋدانارالىق ەكونوميكالىق سوتىنىڭ سۋدياسى بولىپ عيزات كوبەنوۆ (پاۆلودار وبلىسى مامانداندىرىلعان اۋدانارالىق ەكونوميكالىق سوتىنىڭ سۋدياسى قىزمەتىنەن بوساتىلدى) تاعايىندالدى.
جالپى وتىرىستا سۋديا لاۋازىمىنا العاش رەت تاعايىندالعان سۋديا اينۇر ساۋىتباەۆا انت بەردى.
