قوستاناي وبلىسى پد ەسىرتكى قىلمىسىنا قارسى ءىس-قيمىل جونىندەگى پوليتسەيلەرى ەسىرتكى قىلمىستارىنا كۇدىكتى وبلىس ورتالىعىنىڭ تۇرعىندارىن ۇستادى. پوليتسيا 48 جاستاعى ەر ادامنىڭ ۇيىنەن سالماعى 700 گرامنان اساتىن ەكستراكتسيالىق اپيىن مەن ونى جاساۋعا ارنالعان زاتتاردى تاركىلەدى. ساراپتاما ناتيجەلەرى بويىنشا, ەر ادام كوكنار سابانىنان جانە تۇقىمىنان بۋلانۋ ارقىلى اپيىن ەكستراكتسياسىن وندىرگەنى انىقتالدى.
قالا تۇرعىنىنىڭ ايتۋىنشا, ول اپيىندى جەكە پايدالانۋ ءۇشىن قولدانعان. بۇعان دەيىن ەر ادام ەسىرتكى قۇرالدارىنىڭ زاڭسىز اينالىمى ءۇشىن بىرنەشە رەت قىلمىستىق جاۋاپكەرشىلىككە تارتىلعان. اتالعان فاكتى بويىنشا قر قك-ءنىڭ 296-بابىنىڭ 4-بولىگى «اسا ءىرى مولشەردە ەسىرتكى زاتتارىن ساقتاۋ» بويىنشا تەرگەۋ جۇرگىزىلۋدە.
2 شىلدەدە وبلىس ورتالىعىنىڭ ۆىسوكايا كوشەسىندە, 48 جاستاعى ەر ادامنىڭ اۋلاسىندا وسىرىلگەن قاراسورانىڭ 55 بۇتاسى تابىلدى. كۇدىكتىنىڭ ءۇيىن ودان ءارى ءتىنتۋ كەزىندە جەدەل ۋاكىلدەر بەلگىلى ءبىر ءيىسى بار جاسىل زات بار 12 قاعاز وراماسىن, سونداي-اق شپريتستەر مەن سىعىلعان دارىلەردى تاركىلەدى. ساراپتاماعا سايكەس, تاركىلەنگەن وسىمدىك – سالماعى 600 گراممعا جۋىق وسىرىلەتىن قاراسورا.
قر قك 300-بابى بويىنشا سوتقا دەيىنگى ءىس جۇرگىزۋ باستالدى.
