ءتارتىپ ساقشىلارى ەسىرتكى قىلمىسىمەن كۇرەسۋدى توقتاۋسىز جالعاستىرىپ كەلەدى. وسى تۇرعىدا جەتىساي اۋداندىق پوليتسيا ءبولىمىنىڭ قىزمەتكەرلەرى «قاراسورا-2022» جەدەل-پروفيلاكتيكالىق شاراسى كەزىندە ەسىرتكى ەككەن تۇرعىندى انىقتادى. ياعني, ەر ادامنىڭ اۋلاسىن تىنتىگەن پوليتسەيلەر اۋلادان ەسىرتكى زاتىنا ۇقساس ءۇش ءتۇپ وسىمدىكتى تاپتى. پوليتسەيلەر وسىمدىكتى ايعاقتى زات رەتىندە تاركىلەپ, ساراپتاما تاعايىندادى. ساراپتاما قورىتىندىسى ونىڭ سورا ەسىرتكىسى ەكەندىگىن راستادى. ءتارتىپ ساقشىلارى كۇدىكتى ەر ادامدى پوليتسيا بولىمىنە جەتكىزدى.
انىقتالعانداي, ەر ادام اۋدانعا قاراستى ەگىستىك القاپتىڭ شەتىنەن سىرىڭكە قورابىن تاۋىپ العان. ونىڭ ىشىندەگى زاتتىڭ ەسىرتكى زاتىنا ۇقساس ەكەندىگىن ءبىلىپ, ءوسىرۋ ءۇشىن ارنايى ۇيىنە الىپ كەلگەن. ياعني, كۇدىكتى ەر ادام ونى ءوزى پايدالانۋ ماقساتىندا اۋلاسىنا ەككەن.
قازىرگى تاڭدا قر قك-ءنىڭ 300-بابى 1-بولىگى (قۇرامىندا ەسىرتكى زاتتار بار, وسىرۋگە تىيىم سالىنعان وسىمدىكتەردى زاڭسىز ەگىپ-ءوسىرۋ) بويىنشا كۇدىكتىگە قاتىستى سوتقا دەيىنگى تەرگەۋ امالدارى جۇرگىزىلۋدە.
