سوزاق اۋداندىق پوليتسيا ءبولىمىنىڭ 102 پۋلتىنە مەكەمەلەردىڭ ءبىرىنىڭ باسشىسىنان حابارلاما تۇسكەن. وندا ونىڭ قىزمەتكەرىنىڭ ءبىرى ەسىرتكى پايدالاناتىنىن ايتقان. اتالعان جايتتى پوليتسيا قىزمەتكەرلەرى قر قك-ءنىڭ 296-بابى بويىنشا تىركەۋگە الدى.
«حابارلاما كەلىپ تۇسكەن بويدا ءتارتىپ ساقشىلارى قىلمىستى اشۋ ماقساتىندا قاجەتتى شارالاردى جۇزەگە اسىردى. تەكسەرۋ بارىسىندا كۇدىكتىنىڭ قالتاسىنان تۇسكەن Parlament تەمەكىسىنىڭ قورابىندا اق قاعازعا ورالعان ەسىرتكى زاتىنا ۇقساس وسىمدىك تابىلدى. سونداي-اق ونىڭ جەكە باسىن ءتىنتۋ كەزىندە سىرت كيىمىنىڭ قالتاسىنان ەسىرتكىگە ۇقساس زات شىقتى», دەلىنگەن حابارلامادا.
پوليتسەيلەر الىنعان زاتقا ساراپتاما تاعايىندادى, ناتيجەسىندە ونىڭ گاشيش ەسىرتكىسى ەكەندىگى بەلگىلى بولدى.
ءتارتىپ ساقشىلارى كۇدىكتى ازاماتتىڭ بۇعان دەيىن دە بىرنەشە رەت سوتتى بولعاندىعىن انىقتادى. قازىرگى تاڭدا سەزىكتىگە قاتىستى سوتقا دەيىنگى تەرگەۋ امالدارى جۇرگىزىلۋدە.
