ءبىلىم • 06 شىلدە، 2022

بالقان وليمپياداسىندا قازاقستاندىق وقۋشىلار 6 مەدال جەڭىپ الدى

42 رەت كورسەتىلدى

جاسوسپىرىمدەر اراسىنداعى ماتەماتيكادان حالىقارالىق بالقان وليمپياداسىندا (JBMO) قازاقستاندىق وقۋشىلار 2 التىن، 2 كۇمىس جانە 2 قولا مەدال جەڭىپ الدى، دەپ حابارلايدى Egemen.kz.

وقۋ-اعارتۋ مينيسترلىگىنىڭ مالىمەتىنشە، زياتكەرلىك سايىستار 28 ماۋسىم-3 شىلدە ارالىعىندا بوسنيا جانە گەرتسەگوۆينا استاناسى ساراەۆو قالاسىندا وفلاين فورماتتا ءوتتى. بيىل وليمپياداعا الەمنىڭ 19 ەلىنەن 81 بالا قاتىستى. ولاردىڭ قاتارىندا البانيا، بوسنيا جانە گەرتسەگوۆينا، بولگاريا، كيپر، ماكەدونيا، گرەتسيا، مولدوۆا رەسپۋبليكاسى، چەرنوگوريا رەسپۋبليكاسى، رۋمىنيا، سەربيا جانە ت.ب. بار.

«قازاقستان گەوگرافيالىق جاعىنان وڭتۇستىك-شىعىس ەۋروپادا ورنالاسپاعاندىقتان، وليمپياداعا جىل سايىن قوناق ەل رەتىندە قاتىسادى. وسى جىلى ۇلتتىق قۇراما قاتارىنا نۇر-سۇلتان، الماتى، اتىراۋ جانە تاراز قالالارىنان 6 وقۋشى كىردى. ولاردىڭ ارقايسىسى جارىستا مەدال جەڭىپ الدى جانە ءبىز مۇنى ماقتان تۇتامىز. جالپى كوماندالىق ەسەپتە قازاقستان 5-ورىندى يەلەندى. ەلىمىزدە بالالار جىلى اياسىندا دارىندى وقۋشىلار مەن وليمپياداشىلارعا بەلسەندى قولداۋ كورسەتىلىپ جاتقانىن دا اتاپ ءوتۋ كەرەك. بۇدان بىلاي گرانتتار مەن ستيپەنديالار تەك جوو-دان عانا ەمەس، مەملەكەتتەن دە بەرىلەدى. ول ءۇشىن وقۋشىلار ماتەماتيكادان حالىقارالىق وليمپيادا (IMO) سياقتى جارىستارعا قاتىسىپ، جەڭىسكە جەتۋى كەرەك»، دەدى «دارىن» رەسپۋبليكالىق عىلىمي-پراكتيكالىق ورتالىعى ديرەكتورىنىڭ مىندەتىن اتقارۋشى نۇرلان جۇماگەلدى.

ايانا توعانبەك

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار