اقتاۋدا ۇلتتىق دومبىرا كۇنىنە وراي ماڭعىستاۋ وبلىستىق قازاقستان حالقى اسسامبلەياسى «دومبىرا – داستان» اكتسياسىن وتكىزدى. شارا اياسىندا پەريناتالدىق ورتالىقتا جاتقان انالار مەن ولاردىڭ نارەستەلەرىنە قازاقتىڭ قارا دومبىراسى سىيعا بەرىلدى.
اكتسيا اقتاۋ قالالىق پەريناتالدىق ورتالىعىندا ءوتتى. ءىس-شاراعا وبلىستىق اسسامبلەيانىڭ قوعامدىق ورىنباسارى, ازەربايجان ەمب توراعاسى شامسادين گۋسەينوۆ, مو قحا كاسىپكەرلەر قاۋىمداستىعىنىڭ توراعاسى دجامبۋلات تانگيەۆ, انالار كەڭەسىنىڭ توراعاسى امانكۇل جايىلحانوۆا, مو قحا كاسىپكەرلەر قاۋىمداستىعى توراعاسىنىڭ ورىنباسارى, انالار كەڭەسىنىڭ مۇشەسى زارەتا فاتاليەۆا, قحا ارداگەرلەر كەڭەسىنىڭ مۇشەسى رايسا مادەنوۆا, سونداي-اق بىرقاتار جەكە كاسىپكەر قاتىستى.
شارا ۇيىمداستىرۋشىلارى انالار مەن ولاردىڭ نارەستەلەرىنە دومبىرا, بالالارعا ارنالعان كيىم, كونديتەرلىك جاە ءسۇت ونىمدەرىن تابىس ەتتى. سونداي-اق اقتاۋ قالالىق پەريناتالدىق ورتالىعىنىڭ قىزمەتكەرلەرىنە قازاقستان حالقى اسسامبلەياسى اتىنان ەستەلىك سىيلىقتار بەرىلدى.
ماڭعىستاۋ وبلىسى
