قازاقستان • 05 شىلدە، 2022

بەيبىتشىلىك پەن كەلىسىمگە شاقىراتىن ماڭىزدى مارش

47 رەت كورسەتىلدى

تىنىشتىق پەن بەيبىتشىلىك سالتانات قۇرعان ەلدىڭ مەرەيى ءوسىپ، ابىرويى اسقاقتاي تۇسەرى ءسوزسىز. سەبەبى ۇلت پەن ۇرپاقتىڭ باياندى عۇمىر كەشۋىنە كەلىسىم مەن تاتۋلىق باستى باسپالداق سانالاتىنى شىندىق. نۇر-سۇلتان قالاسى قازاقستان حالقى اسسامبلەياسىنىڭ ۇيىمداستىرۋىمەن «ەۋروپا-ازيا بەيبىتشىلىك جانە كەلىسىم مارشى» حالىقارالىق جوباسى اياسىنداعى مادەنيەت، بەيبىتشىلىك جانە كەلىسىم كۇندەرى اتتى مادەني-بۇقارالىق ءىس-شارا ءوتتى. وسىعان وراي دوستىقتى دارىپتەيتىن «ەۋروپا-ازيا بەيبىتشىلىك جانە كەلىسىم مارشى» نۇر-سۇلتان قالاسىنان العاشقى ساپارعا اتتانباق.

كەشە ەلورداداعى دوستىق ۇيىندە «ەۋروپا-ازيا بەيبىتشىلىك جانە كەلىسىم مارشى» حالىقارالىق جوباسى اياسىندا مادەني-بۇقارالىق ءىس-شارا ءوتتى. اقپارات جانە قوعامدىق دامۋ، مادەنيەت جانە سپورت مينيسترلىكتەرى، بەيبىتشىلىك جانە كەلىسىم مارشىنىڭ اتقارۋشى كوميتەتى مەن نۇر-سۇلتان قالاسى اكىمدىگىنىڭ ىشكى ساياسات باسقارماسىنىڭ قولداۋىمەن ۇيىمداستىرىلعان شارا ەكى كۇنگە سوزىلماق. ءبىرىنشى كۇنى ۇيىمداستىرۋشىلار ءباسپاسوز وكىلدەرىنە شەرۋدىڭ العا قويعان مىندەتىن ءتۇسىندىرىپ، ارتىنشا قاتىسۋشىلار دوڭگەلەك ۇستەلدە مارشتىڭ ماڭىزدىلىعى تۋرالى ويلارىن ورتاعا سالدى. بۇدان كەيىن بىرنەشە مينيسترلىكتىڭ وكىلدەرى، نۇر-سۇلتان قالاسى اكىمدىگى مەن Amanat پارتياسى جانىنداعى جاستار قاناتىنىڭ نۇر-سۇلتان قالاسىنداعى فيليالى قىزمەتكەرلەرى شەرۋدىڭ قاتىسۋشىلارىمەن بىرگە ارنايى دايىندالعان كونتسەرتتى تاماشالادى.

«بۇكىل ەلدىڭ حالقى ءبىر ءۇيدىڭ بالاسىنداي بىرلىكتە ءومىر سۇرگەنىن قالايمىن. ۇلت پەن دىنگە بولىنبەي، ىنتىماقتا، ۇيىمشىلدىقتا ءومىر سۇرۋگە شاقىرامىن. ۇرپاعىمىز بەيبىت ەلدە تاتۋ-ءتاتتى ءومىر ءسۇرۋ ءۇشىن شاراعا قاتىسۋعا بىردەن كەلىستىم. وزىممەن بىرگە ەكى بالامدى دا الىپ كەلدىم»، دەدى بەس بالانىڭ اناسى، شەرۋگە قاتىسۋشى دينارا اكىمبەكوۆا.

ول ۇلتتار اراسىنداعى دوستىقتى دارىپتەيتىن مارش تۋرالى قۇربىسىنان ەستىپ ءبىلىپتى.

قوزعالىستىڭ قىرعىز رەسپۋبلي­كاسىن­داعى جەتەكشىسى مەەريم ەسەناليەۆا شەرۋدىڭ جوعارى دەڭگەيدە ءوتۋى ءۇشىن ءوز ەلىن­دەگى مەملەكەتتىك ۇيىمدار دا جان-جاق­تى قولداۋ كورسەتكەنىن العا تارتتى. ايتۋىنشا، ادامنىڭ باقىتتى عۇمىر كەشۋى ۇلتتىڭ ءتىلى مەن دىنىنە، داستۇرىنە قارا­مايدى. ەڭ ماڭىزدىسى، ءاربىر ادامنىڭ جۇرەگى «بەيبىتشىلىك» دەپ سوققاندا عانا قوي ۇستىندە بوزتورعاي ۇيالاعان تىنىش زامان ورنايدى. «ەڭ باستى ۇستانىمىمىز – حالىقتى بەيبىتشىلىك پەن كەلىسىمگە شاقىرۋ. سىزدەردى 9 شىلدە كۇنى بىشكەكتە اسىعا كۇتەمىز»، دەدى مەەريم تۇراربەكقىزى.

بەيبىتشىلىك جانە كەلىسىم مارشىنىڭ اتقارۋشى ديرەكتورى رۋسلان ءابدۋلليننىڭ سوزىنشە، ءىس-شاراعا قاتىسۋشىلار ەۋروپا مەن ازيانىڭ بىرنەشە قالاسىندا بولادى. اتاپ ايتقاندا، قازاقستاننىڭ – 10، قىرعىز رەسپۋبليكاسىنىڭ – 1 جانە رەسەيدىڭ 5 قالاسىن ارالايدى. شەرۋگە 46 ادام ءوتىنىش بىلدىرسە، نۇر-سۇلتان قالاسىنداعى العاشقى ءىس-شاراعا 28 ادام كەلدى. قاتىسۋشىلاردىڭ سانىنا شەكتەۋ جوق. ويتكەنى حالىقتار اراسىنداعى دوستىقتىڭ جالاۋىن جەلبىرەتىپ، ۇلتتار اراسىنداعى ماحابباتتى وياتقىسى كەلەتىن كەز كەلگەن ادامنىڭ شەرۋگە قاتىسۋعا مۇمكىندىگى بار.

ء«بىزدىڭ مارش ساياسات پەن ءدىني ۇرانسىز وتەدى. تاعى ءبىر ايتارىمىز، مارش مەملە­كەت­تىك بيۋدجەتكە سالماق سالمايدى. ويتكەنى حالىقتىق مارش حالىقتىڭ ءوز اقشاسىنا عانا وتكىزىلەدى. حالىق ءوزى ۇيىمداستىرىپ، ءوزى قارجىلاي قولداۋ ءبىلدىرىپ وتىر. بىراق ۇيىمداستىرۋ ءىسى مەملەكەتتىڭ كومەگىمەن ىسكە اسقانىن باسا ايتۋ كەرەك. كەز كەلگەن قوعامدىق ءىستىڭ جۇزەگە اسۋىندا مەملەكەتتىڭ قولداۋى ماڭىزدى. مارشتىڭ دايىندىق جۇمىستارىنا قولۇشىن بەرگەن نۇر-سۇلتان قالاسى اكىمدىگىنە العىس بىلدىرەمىن. سول ارقىلى ەلوردانىڭ تورىندەگى دوستىق ۇيىندە شەرۋىمىزدى باستاعالى وتىرمىز»، دەدى رۋسلان ابدۋللين.

ايتا كەتەتىن جايت، قازاقستاننىڭ باس قالاسى «ەۋروپا-ازيا بەيبىتشىلىك پەن كەلىسىم شەرۋىنىڭ باستاپقى نۇكتەسى بولادى. باعىت 17 ەلدىڭ اۋماعىن قامتيدى دەپ جوسپارلانىپ وتىر. العاشقى باعىت 4 ەلدىڭ اۋماعىندا وتەدى. ولار – قازاقستان، قىرعىزستان، رەسەي جانە گرۋزيا. كەلەسى بولىگى اقش اۋماعىن قامتيدى، ءۇشىنشىسى الماتىدا باستالىپ، دجاگاناپۋرادا اياقتالادى. بيىل بەيبىتشىلىك جانە كەلىسىم مارشى 16-رەت وتەدى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار