قوعام • 04 شىلدە، 2022

جىل باسىنان بەرى جول اپاتىنان مىڭعا جۋىق ادام قازا تاپتى

14 رەت كورسەتىلدى

ءىىم-دە وتكەن بريفينگتە ۆەدومستۆونىڭ اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا جولداعى قاۋىپسىزدىك جاعدايى تۋرالى ايتتى، دەپ حابارلايدى Egemen.kz.

«سوڭعى 5 جىلدا ەل جولدارىندا جىل سايىن 2 مىڭنان استام ادام قازا تاپتى، تاعى 20 مىڭنان استام ادام جاراقات الادى. وسى جىلدىڭ التى ايىندا قازاقستاندا 6 مىڭنان استام جول-كولىك وقيعاسى تىركەلدى، وندا 947 ادام قازا تاۋىپ، 8110 ادام جاراقات الدى. بۇنىڭ نەگىزگى سەبەبى - جۇرگىزۋشىلەر مەن جاياۋ جۇرگىنشىلەردىڭ جول قوزعالىسى ەرەجەلەرىن سانالى تۇردە بۇزۋى. جكو-نىڭ 95%-ى جۇرگىزۋشىلەردىڭ اعاتتىعىنان جاسالادى»، دەدى اقتوتى بورانوۆا.

ءىىم وكىلىنىڭ ايتۋىنشا، جكو سەبەپتەرىنىڭ اراسىندا كەلەسى فاكتورلار باكەلەر:

  • جىلدامدىق رەجيمىنەن اسىپ كەتۋ;
  • مانەۆر جاساۋ قاعيدالارىن بۇزۋ;
  • قارسى قوزعالىس جولاعىنا شىعۋ;
  • جاياۋ جۇرگىنشىلەر مەن ۆەلوسيپەدشىلەردىڭ جول قوزعالىسى ەرەجەلەرىن بۇزۋى.

«جىلدامدىق رەجيمىنىڭ اسىپ كەتۋىنە بايلانىستى 1،5 مىڭعا جۋىق جكو تىركەلدى، وندا 300-گە جۋىق ادام قازا تاۋىپ، 2 مىڭ ادام جاراقات الدى. جكو-دا قازا تاپقاندار مەن جارالانعانداردىڭ تورتتەن ءبىر بولىگىن جاياۋ جۇرگىنشىلەر قۇرايدى. جاياۋ جۇرگىنشىلەردىڭ كىناسىنەن 200-گە جۋىق جكو ورىن الدى، وندا 40-تان استام ادام قازا تاۋىپ، 150-گە جۋىق ادام جاراقات الدى»، دەپ قوستى ىىم وكىلى.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار