«اقتاۋ قالاسىنداعى حالىقارالىق اۋەجاي ارقىلى اپتاسىنا 27 باعىتتا 152 رەيس قاتىنايدى. سونىڭ ىشىندە 19 باعىتتا 62 رەيس الىس جانە جاقىن شەتەلگە ۇشادى. سونىمەن قاتار تۋريستىك مۇمكىندىكتى پايدالانىپ, جاقىن ارادا باشقۇرتستاننان چارتەرلىك رەيس كەلدى. العاشقى 100 ادام قاتىنادى. بۇعان دەيىن تۋريستەر قالىپتى رەيستەرمەن كەلەتىن. ال مىناۋ ارنايى تۋريستىك باعىتتاعى چارتەرلىك رەيس بولدى», دەدى وبلىس اكىمى.
سونداي-اق ول كاسپي تەڭىزىنىڭ الەۋەتىن پايدالانۋ جونىندەگى جوسپارلارىن ورتاعا سالدى.
«حالىقارالىق دەڭگەيگە شىعىپ, كاسپي تەڭىزىن پايدالانۋ جونىندەگى جوسپارلارىمىز ازىرگە يدەيا رەتىندە عانا قارالىپ جاتىر. قازىرگى تاڭدا جۇزەگە اسىرىلىپ جاتقان جوق. ءبىز كاسپي تەڭىزىنىڭ جاعالاۋىن پايدالانۋ جونىندە جوبالاردى ويلاستىرىپ جاتىرمىز. كەلگەن تۋريستەرگە, ماڭعىستاۋلىقتارعا كورشى وبلىستاردان كەلگەن تۋريستەرگە, جالپى قازاقستاندىقتارعا جاعداي جاساۋ بويىنشا جۇمىس ىستەپ جاتىرمىز. اقتاۋدىڭ جانىندا جىلىجاعاجاي دەگەن ورنىمىز بار. سوندا قولجەتىمدى دەمالىس بولاتىنداي جاعداي ۇيىمداستىرىپ جاتىرمىز. كاسپي تەڭىزىندە بالىق شارۋاشىلىعىن دامىتۋعا كوڭىل ءبولىپ جاتىرمىز. بيىلدان باستاپ وبلىس اكىمدىگىنىڭ جانىنا 4 جاڭا باسقارما كىردى. سونىڭ بىرەۋى – بالىق باسقارماسى», دەدى نۇرلان نوعاەۆ.
