ايماقتار • 24 ماۋسىم، 2022

پەتروپاۆلدا قازاقستان پوليتسياسىنىڭ قۇرداسى قىزمەت ەتەدى

سولتۇستىك قازاقستان وبلىسىنىڭ ەڭ ءىرى پوليتسيا ءبولىنىسى – پەتروپاۆل قالاسىنىڭ پوليتسيا باسقارماسىندا قازاقستان پوليتسياسىنىڭ قۇرداسى، پوليتسيا مايورى كسەنيا ۆلاديميروۆنا يششەنكو قىزمەت ەتەدى.

جاقسىباي سامرات

ەل پوليتسياسىنىڭ 30 جىلدىعى قارساڭىندا پوليتسەي ارۋ ماماندىققا جەتۋدە وتكەرگەن كەزەڭدەرىن، قىزمەتتىڭ ەرەكشەلىكتەرى جانە نەمەن اۋەستەنەتى جايلى ايتتى.

جەرگىلىكتى پوليتسيا قىزمەتى بولىمىندەگى ۋچاسكەلىك پوليتسيا ينسپەكتورلارىنىڭ قىزمەتىن ۇيىمداستىرۋ بولىمشەسىنىڭ باستىعى – كسەنيا يششەنكونىڭ قازىرگى لاۋازىمى وسىنداي. جۇمىس اۋقىمى وتە كەڭ. ۋچاسكەلىك پوليتسيا ينسپەكتورلارىنىڭ جۇمىسى «مىڭ ءبىر مىندەتتىڭ جۇمىسى» دەپ بەكەرگە ايتىلماعان. 100-دەن استام پوليتسيا قىزمەتكەرلەرىنىڭ جۇمىسىن باقىلاۋ جانە ۇيىمداستىرۋ وڭاي شارۋا ەمەس، وتە جاۋاپتى. بۇرىن سوتتالعان ادامدار، وتباسىلىق جانجالدار، بۇزاقىلار، ماسكۇنەمدەر، ناشاقورلار، سونداي-اق اڭشى قارۋىنىڭ يەلەرى – ۋچاسكەلىك پوليتسيا ينسپەكتورلارى كۇن سايىن جۇمىس ىستەيتىن ادامدار ءار ءتۇرلى. زاڭ اياسىندا ارەكەت ەتە وتىرىپ، بارلىعىنىڭ ءتىلىن تاۋىپ، سىپايى بولۋ كەرەك.

كسەنيا يششەنكو تۋرالى باسشىلىق پەن ارىپتەستەرى وڭ پىكىردە. پەتروپاۆل قالاسىنىڭ پب جەرگىلىكتى پوليتسيا قىزمەتى ءبولىمى باستىعىنىڭ ورىنباسارى پوليتسيا پودپولكوۆنيگى ايدىن اقماعامبەتوۆتىڭ ايتۋىنشا، ۋچاسكەلىك پوليتسيا ينسپەكتورلارى جەكە قۇرامىنىڭ شتاتى 101 قىزمەتكەردى قۇرايدى. ۋچاسكەلىك ينسپەكتورلار ءوز جۇمىسىندا بارلىق باعىتتاردى قامتيدى. سايكەسىنشە، پوليتسيا مايورى كسەنيا يششەنكونىڭ دا جۇمىسى سان قىرلى. ول ءوز مىندەتتەرىن وتە جاقسى اتقارادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز