مەملەكەتتىك كىرىستەر كوميتەتى وتكەن جىلدىڭ سايكەس كەزەڭىندە 21,9 ملرد تەڭگە تۇسكەنىن اتاپ ءوتتى. ۆەدومستۆو سالىقتىق تەكسەرۋلەر, قۇقىق قورعاۋ ورگاندارىمەن بىرلەسكەن جەدەل ءىس-شارالار جۇرگىزۋ ارقىلى الكوگول ونىمدەرىنىڭ زاڭسىز اينالىمىن انىقتاۋ جانە جولىن كەسۋ بويىنشا جۇيەلى نەگىزدە جۇمىس جۇرگىزىپ جاتىر.
«ماسەلەن, جىل باسىنان بەرى رۇقسات قۇجاتتارى جوق 829,2 مىڭ ليتر زاڭسىز الكوگول ءونىمى جانە ەسەپكە الۋ-باقىلاۋ ماركالارى اينالىمنان الىندى. اكتسيزدىك بەكەتتەردى كۇندەلىكتى, جەدەل باقىلاۋ, ءوندىرىس جەلىلەرىندەگى باقىلاۋ-ەسەپكە الۋ اسپاپتارى جانە جازىپ بەرىلگەن ەلەكتروندىق شوت-فاكتۋرالار ارقىلى الكوگول ءونىمىنىڭ ءوندىرىسى مەن اينالىمىن قاشىقتىقتان باقىلاۋ باسىمدىققا يە. وسى جىلدىڭ 1 ساۋىرىنەن باستاپ جۇمىستان تىس (تۇنگى) ۋاقىتتا زاڭسىز اينالىم ءوندىرىسىن بولدىرماۋ ءۇشىن الكوگول ءونىمىن ءوندىرۋ جەلىلەرىندە ەلەكتر ەنەرگياسىن ەسەپتەۋىشتەر ورناتىلدى. سونىمەن قاتار اكتسيزدىڭ ءوسۋى الكوگول ءونىمىنىڭ ءوندىرىسى مەن يمپورتى كولەمىنىڭ ۇلعايۋىمەن, سونداي-اق سىراعا ارنالعان اكتسيز مولشەرلەمەسىنىڭ 1 ليترگە 57 تەڭگەدەن 79 تەڭگەگە دەيىن جانە تابيعي ەمەس شاراپتارعا 35 تەڭگەدەن 100% ءسپيرتتىڭ ليترىنە 2 550 تەڭگەگە دەيىن ارتۋىمەن بايلانىستى», دەپ جازدى كوميتەتتەن.
قاڭتار ايىنان باستاپ «ەتيل ءسپيرتى مەن الكوگول ءونىمىنىڭ ءوندىرىلۋىن جانە اينالىمىن مەملەكەتتىك رەتتەۋ تۋرالى» زاڭمەن كونياك پەن برەنديگە ەڭ تومەنگى بولشەك ساۋدا باعالارىن رەتتەۋ ەنگىزىلگەن, ول 1 ليترگە 2 930 تەڭگەنى قۇرايدى, تيىسىنشە «پسەۆدو-كونياك» ءوندىرىسى ازايدى جانە كۇشتى ليكەر-اراق ونىمدەرى رەتىندە اكتسيز تولەۋ 100% سپيرت تەڭگە/ليتر 250 تەڭگەدەن 2 550 تەڭگەگە دەيىن قۇرادى.
