ايتا كەتەتىنى, قازاقستان ازاماتتارىنا تىركەلگەن جانە 2020 جىلدىڭ 1 اقپانىنا دەيىن اكەلىنگەن كولىكتى جەڭىلدەتىلگەن تارتىپپەن ەسەپكە قويۋعا رۇقسات بەرىلگەن. بيىل ناۋرىز ايىندا ارمەنيادان كەلگەن كولىكتەردى تىركەۋ مەرزىمى 2023 جىلدىڭ 1 ناۋرىزىنا دەيىن ۇزارتىلدى. سەبەبى كوروناۆيرۋس پاندەمياسى كەزىندە شەكتەۋ شارالارى كوپ بولىپ, كولىكتى ەلدەن شىعارۋ جاعىنان قيىندىق تۋىنداعان.
«وسىلايشا, بۇگىندە ارمەنيادا تىركەلگەن جانە 2020 جىلدىڭ 1 اقپانىنا دەيىن قازاقستانعا اكەلىنگەن كولىك يەلەرىنە ءوز اۆتوموبيلدەرىن ەسەپكە قويۋ ماسەلەسىن شەشۋ ءۇشىن 10 ايدان از ۋاقىت قالدى», دەيدى پوليتسەيلەر.
قازىرگى تاڭدا ارمەنيادان اكەلىنگەن كولىكتى تىركەۋ قۇنى 13 مىڭ تەڭگەدەن اسپايدى. ال ءرولى وڭ جاقتان سول جاققا اۋىستىرىلعان كولىككە ارنايى كۋالىك الۋ كەرەك. ونى اككرەديتاتسيادان وتكەن ۇيىمدار بەرەدى. ولار:
«عزو «الماتى-ستاندارت» جشس, الماتى ق., الاتاۋ اۋدانى, مادەنيەت ش / ا., ءسۇيىنشى ك-ءسى, 1 ءۇي, تەل. (8-727)317-05-31;
«ۇلتتىق ساراپتاما جانە سەرتيفيكاتتاۋ ورتالىعى» اق قوستاناي فيليالىنىڭ سىناق ورتالىعى, قوستاناي ق., گوگول ك-ءسى, 79ا ءۇي, تەل. (87142)54-29-37, 57-05-64, 52-20-66;
«ۇلتتىق ساراپتاما جانە سەرتيفيكاتتاۋ ورتالىعى» اق باتىس قازاقستان فيليالىنىڭ سىناق ءبولىمى, ورال ق., گاگارين ك-ءسى, 23 ءۇي, مولداعۇلوۆا ك-ءسى, 23/1 ءۇي, تەل. (8-7112) 23-97-45;
«ۇلتتىق ساراپتاما جانە سەرتيفيكاتتاۋ ورتالىعى» اق سولتۇستىك قازاقستان فيليالى, پەتروپاۆل قالاسى, 2-ءشى پەرۆومايسكايا كوشەسى, 9-ءۇي, تەل. (8-7152)52-03-60.
رەسمي ستاتيستيكاعا سايكەس, شىعىس قازاقستان وبلىسىندا عانا 196 اۆتوموبيل تىركەلگەن. سونىڭ ىشىندە 50 كولىكتىڭ ءرولى سول جاققا اۋىستىرىلعان.
«تىركەلگەننەن كەيىن يەلەرىنە كولىكتى قازاقستاندا تىركەۋ تۋرالى ۇلتتىق كۋالىك جانە سارى تۇستەگى مەملەكەتتىك ءنومىر بەرىلەدى. سونىمەن قاتار, ارمەنيادان تىركەلگەن اۆتوموبيلدەردى پايدالانۋ مەرزىمى شەكتەلمەيدى. اۆتوموبيل يەسى ونى يەلىكتەن شىعارۋ قۇقىعىنسىز پايدالانۋ مەرزىمى تۋرالى شەشىم قابىلداۋعا قۇقىلى», دەپ اتاپ كورسەتتى ماماندار.
