كەزدەسۋ جۋىردا تدم (تۇراقتى دامۋ ماقساتتارى) بويىنشا ەكىنشى وڭىرلىك سامميت باستالعان الماتىدا ءوتتى.
قۋانتىروۆ قازاقستانعا الەمدەگى ەڭ ءىرى تولەم جۇيەلەرىنىڭ ءبىرى سانالاتىن وپەراتورمەن ىنتىماقتاستىقتى جولعا قويۋ وتە ماڭىزدى ەكەنىن اتاپ ءوتتى. بۇگىنگى تاڭدا امەريكالىق MasterCard كورپوراتسياسى قازاقستاندا بەلسەندى جۇمىس ىستەيدى جانە ءوز جۇمىسىن ودان ءارى كەڭەيتۋدى جوسپارلاپ وتىر.
تاراپتار شاعىن جانە ورتا بيزنەستى دامىتۋ ماسەلەلەرىن تالقىلادى. اتاپ ايتقاندا, بەدير حانىم حالىقارالىق كومپانيا بيزنەس سۋبەكتىلەرى اراسىندا سەرىكتەستىك ورناتاتىن كوبرەندينگتىك باعدارلامالار تۋرالى ايتىپ بەردى.
سونداي-اق, قازاقستانداعى تولەمدەردى تسيفرلاندىرۋ تۋرالى ءسوز قوزعالدى.
قۋانتىروۆ اتاپ وتكەندەي, MasterCard كەڭىنەن قولداناتىن تەحنولوگيالىق شەشىمدەر كاسىپكەرلەرگە بيزنەس-پروتسەستەردى جەدەلدەتۋگە كومەكتەسەدى.
كەزدەسۋ قورىتىندىسى بويىنشا تاراپتار ىنتىماقتاستىقتى نىعايتۋعا كەلىسىپ, ءوزارا ءىس-قيمىلدىڭ الداعى جوسپارلارىن بەلگىلەدى.
