مارافون مىناداي قاشىقتىقتاردا وتەدى: 21,1 كم, 10 كم جانە 10 كم قاشىقتىققا سكانديناۆيالىق ءجۇرىس. قاتىسۋشىلار ورتالىق كوشەلەرمەن جۇگىرىپ ءوتىپ, ەلوردانىڭ كورىكتى ورىندارىن – NUR ALEM بولاشاق ەنەرگياسى مۇراجايىن, بايتەرەك, حان شاتىر, تاۋەلسىزدىك سارايىن, بوتانيكالىق باقتى جانە ت.ب. كورە الادى. قاتىسۋشىلاردىڭ بولجامدى سانى – 4 مىڭ ادام.
نۇر-سۇلتانداعى جارىس تەگىس تراسسادا وتەتىنىمەن ەرەكشەلەنەدى. قاتىسۋشىلار مەن جانكۇيەرلەر ءۇشىن ۇلكەن ويىن-ساۋىق باعدارلاماسى ازىرلەنىپ جاتىر. بارلىق قاتىسۋشىلارعا مارەشى مەدالى بەرىلەدى. ءابسوليۋتتى ساناتتاعى 21 شاقىرىمعا جۇگىرگەن ەرلەر مەن ايەلدەر اراسىنداعى ەڭ جۇيرىكتەرى اقشالاي سىيلىقتارمەن ماراپاتتالادى: 1 ورىن – 450 000 تەڭگە, 2 ورىن – 400 000 تەڭگە, 3 ورىن – 350 000 تەڭگە. 21 كم جانە 10 كم قاشىقتىققا جۇگىرەتىن بەلگىلى ءبىر جاس ساناتىنداعى جەڭىمپازدار سەرىكتەستەردەن سىيلىقتار الادى.
جارىستىق نومىرلەر 17-18 ماۋسىمدا ساعات 10:00-دەن 20:00-گە دەيىن ەحرو حكو-دا Qazaqstan Live Fest كورمەسى كەزىندە بەرىلەدى. جارىس كۇنى نومىرلەر بەرىلمەيدى.
