سۋرەتتى تۇسىرگەن ەرلان ومار, «ەQ»
مەملەكەتتىك كەڭەسشى جاڭا قوعامدىق ينستيتۋت مۇشەلەرىنىڭ قاتارىندا بەلگىلى كومپوزيتور, جازۋشى يليا جاقانوۆ, قازاقستاننىڭ حالىق جازۋشىسى, اقىن, قوعام قايراتكەرى مۇحتار شاحانوۆ, قازاقتىڭ تۇڭعىش عارىشكەرى, كەڭەس وداعىنىڭ باتىرى, حالىق قاھارمانى توقتار اۋباكىروۆ, بەلگىلى جۋرناليست جانە قوعام قايراتكەرى سەيداحمەت قۇتتىقادام, عالىم-ماتەماتيك, اكادەميك اسقار جۇمادىلداەۆ سىندى ايتۋلى تۇلعالار بار ەكەنىن جازادى.
سونداي-اق ۇلتتىق قۇرىلتايدىڭ قۇرامىنا مىقتى ەكونوميست جانە قوعام قايراتكەرى جاقسىبەك قۇلەكەەۆ, بەلگىلى مەملەكەتتىك جانە ساياسي قايراتكەر ءاليحان بايمەنوۆ, جۋرناليست, مەديا-مەنەدجەر, قوعام قايراتكەرى ەرمۇرات باپي, مەملەكەت جانە قوعام قايراتكەرى, پارلامەنتتىڭ بىرنەشە شاقىرىلىمىنىڭ دەپۋتاتى نۇرتاي سابيليانوۆ, مەملەكەت قايراتكەرى, الەم چەمپيونى, سەۋلدەگى وليمپيادانىڭ كۇمىس جۇلدەگەرى داۋلەت تۇرلىحانوۆ, بيوتەحنولوگ عالىم, QazVac COVID-19 ۆاكتسيناسىن ازىرلەۋشى كۇنسۇلۋ زاكاريا, قوعام قايراتكەرى, ءدىنتانۋشى قايرات جولدىباي ۇلى, بەلگىلى ءتىلتانۋشى عالىم انار فازىلجانوۆا, ەكولوگ, ازاماتتىق بەلسەندى ازامات امىرتاەۆ جانە باسقا دا قازاقستانعا كەڭىنەن تانىمال ازاماتتار كىردى. ۇلتتىق قۇرىلتاي قۇرامىنا بارلىعى 117 ادام مۇشە بولدى.
ەرلان قاريننىڭ ايتۋىنشا, قۇرامىنا ءاربىر وڭىرلىك قوعامدىق كەڭەستەن ءبىر وكىلدەن ەنۋى – ۇلتتىق قۇرىلتايدىڭ باستى ەرەكشەلىگى بولىپ سانالادى. وسىلايشا, بۇل ديالوگ الاڭى بارلىق جەرگىلىكتى قوعامدىق كەڭەستەردىڭ ءتۇيىنى ىسپەتتى بولىپ وتىر.
«سونداي-اق ۇلتتىق قۇرىلتايعا پارلامەنت دەپۋتاتتارى, ساياسي پارتيالاردىڭ, بيزنەس, مەديتسينا, ءبىلىم, عىلىم, مادەنيەت, سپورت, ادام قۇقىقتارىن قورعاۋ جانە باسقا دا ۇيىمداسقان الەۋمەتتىك توپتاردىڭ ءىرى سالالىق بىرلەستىكتەرىنىڭ وكىلدەرى كىردى. قۇرىلتاي جۇمىسىنا جاستار كوشباسشىلارى مەن بەلسەندى جاس ازاماتتار دا شاقىرىلدى», دەيدى ە.قارين.
قازاقستان رەسپۋبليكاسىنىڭ مەملەكەتتىك كەڭەسشىسى ءوز جۇمىسىن اياقتاعان ۇلتتىق قوعامدىق سەنىم كەڭەسى مۇشەلەرىنىڭ نەگىزى بولىگى ۇلتتىق قۇرىلتاي قۇرامىنا كىرگەنىن دە مالىمدەدى. «جاڭا قۇرىلىم تۋرالى پرەزيدەنت ءوزىنىڭ ناۋرىز ايىنداعى جولداۋىندا العاش رەت مالىمدەدى.
ال ۇلتتىق قۇرىلتاي نە ءۇشىن قۇرىلدى؟
ۇلتتىق قۇرىلتاي قوعامدىق توپتاسۋدى نىعايتۋ جانە كەڭەيتۋ بويىنشا يدەيالار مەن قادامداردى ىزدەۋ جانە ازىرلەۋ ءۇشىن ديالوگتىق پلاتفورما بولۋعا ءتيىس.
ۇلتتىق قۇرىلتاي مەن ۇلتتىق قوعامدىق سەنىم كەڭەسىنىڭ ايىرماشىلىعى نەدە؟ ەگەر ۇلتتىق قوعامدىق سەنىم كەڭەسىندە تالقىلاۋ نىساناسى اعىمداعى الەۋمەتتىك-ەكونوميكالىق پروبلەمالار, ساياسي رەفورمالاۋ ماسەلەلەرى بولسا, ۇلتتىق قۇرىلتايدا جالپىۇلتتىق قۇندىلىقتار نەگىزىندە قوعامدىق شوعىرلاندىرۋدى ودان ءارى دامىتۋعا قاتىستى ۇزاقمەرزىمدى سيپاتتاعى ماسەلەلەر تالقىلاناتىن بولادى.
ۇلتتىق قۇرىلتاي قۇرامى قالاي قالىپتاسادى؟
ۇلتتىق قۇرىلتاي – ەل پرەزيدەنتى جانىنداعى كونسۋلتاتيۆتىك-كەڭەسشى ورگان. سوعان سايكەس, ونىڭ قۇرامى بويىنشا ۇسىنىستاردى مەملەكەت باسشىسىنىڭ اكىمشىلىگى دايىندايدى. ۇلتتىق قۇرىلتاي وتىرىستارىنا تەك ۇلتتىق قۇرىلتاي مۇشەلەرى عانا قاتىسادى», دەيدى ە.قارين.
ۇلتتىق قۇرىلتايداعى جۇمىس قوعامدىق نەگىزدە جۇزەگە اسىرىلاتىنىن اتاپ وتكەن قازاقستان رەسپۋبليكاسىنىڭ مەملەكەتتىك كەڭەسشىسى قۇرىلتاي جۇمىسىندا قاتىسۋشىلاردى روتاتسيالاۋ ءپرينتسيپى قاراستىرىلعانىن دا حابارلادى. «بۇل بولاشاقتا باسقا دا قوعام قايراتكەرلەرىن كەزەڭ-كەزەڭىمەن تارتۋعا مۇمكىندىك بەرەدى», دەيدى ول.
«بارلىق قازاقستاندىقتار ءوز ۇسىنىستارىن ۇلتتىق قۇرىلتاي حاتشىلىعىنا جولداي الاتىن ارنايى ونلاين پلاتفورما قۇرىلعانىن ەرەكشە اتاپ وتكىم كەلەدى.
وسىلايشا, ۇلتتىق قۇرىلتاي جاڭارتىلعان قازاقستاننىڭ قۇرىلىسىنا ءوز ۇلەسىن قوسۋعا دايىن ازاماتتاردىڭ جالپىۇلتتىق بىرىگۋىنىڭ وزەگى بولادى», دەلىنگەن جازبادا.
