شىمكەنت قالاسىنىڭ جەرگىلىكتى تۇرعىنى قالالىق پوليتسيا دەپراتامەنتىنىڭ وزىندىك قاۋىپسىزدىك باسقارماسىنا ارىز جازعان.
ازاماتشا ءوز ارىزىندا بەيتانىس ادام ءوزىن ءال-فارابي اۋداندىق پوليتسيا باسقارماسىنىڭ جەدەل ۋاكىلى رەتىندە تانىستىرىپ, ونى قۇقىقبۇزۋشىلىق جاساعانى ءۇشىن ىشكى ىستەر ورگاندارىنا ەسەپكە قويامىن دەپ قورقىتقانىن باياندادى.
انىقتالعانداي, جالعان پوليتسەي اكىمشىلىك جاۋاپكەرشىلىكتەن قۇتىلۋ ءۇشىن ايەلدەن اي سايىن 80 مىڭ تەڭگە تالاپ ەتكەن.
«جەدەل-ىزدەستىرۋ جۇمىستارى بارىسىندا وزىندىك قاۋىپسىزدىك باسقارماسىنىڭ قىزمەتكەرلەرى كۇدىكتىنى اقشانى قابىلداپ الۋ ۇستىندە ۇستادى. تەكسەرۋ كەزىندە ۇستالعان ادامنىڭ پوليتسياعا ەشقانداي قاتىسى جوق ەكەنى انىقتالدى. كۇدىكتى سانيتارلىق-ەپيدەميولوگيالىق قىزمەت مامانى بولىپ شىقتى. قازىر اتالعان فاكت بويىنشا سوتقا دەيىنگى تەرگەۋ امالدارى جۇرگىزىلىپ جاتىر», دەلىنگەن قالالىق پوليتسيا دەپارتامەنتىنەن تۇسكەن اقپاراتتا.
